EDITORYAL - Ang Feng Shui sa kaso ni CJ Corona
() - January 22, 2012 - 12:00am

Sa front page sa The Philippine Star kagahapon gitag-an sa usa ka banggiitan kaayong manalagna pinaagi sa Feng Shui nga mamatay ra sa natural nga kamatayon ang kaso ni CJ Corona nga nataral karon sa impeachment court.

Kini ra ba kuno si Andy Tan, nga maoy mi-feng shui   nga mahanaw daw aso ang kaso ni Corona, ngilngig ra ba kuno ning tawhana nga kutob sa tagnaon niini matuman gyud.

Ang mga negosyanteng Insek kinsa miburot sa hilabihang kadato karon naa gyud kuno magsalig kang Tan kay   kutob sa itudlo niining lugar, adlaw, petsa ug kahimtang sa buwan (subang ba o talilunod) sa pag-abli   og negosyo sipa kuno kaayo og saler.

Busa human kuno mabasahe ni Corona ang feng shui ni Tan kagahapon , puwerti kunong lipaya sa chief justice kay nasayud siya nga makalingkawas siya sa mga pasangil nga gihan-ok kaniya karon.

Di lamang si Corona maoy nalipay kundi bisan ang mga abogado niya tungod kay ang ilang buhaton karon sama nalang sa magsakay sila og sakayan nga taliwala sa pagkusokuso sa bagyo uban sa mga dagko’g bawod , igo nalang sila sa pagpanimon kay sigurado nga makadunggo man gyud sila sa daplin nga luwas ug hapsay .

Hinuon sa bahin sa mga sakop sa impeachment court ug sa mga prosecutor, may uban kuno nga nagpanlingo bahin sa feng shui ni Tan , kay kun matuman kini mahug lang og way kapuslanan ang ilang panlimbasug karon nga makonbikto gyud si Corona.

Hesus, pagka-dako na ra ba og gasto sa senado kay mikabat na ra ba kuno og P5 milyones sa upat lang ka adlaw nga sultada niini   sa pagsugod og utingkay sa mga katigayonan ni Corona aron  ipamatuod nga nakalapas kini sa balaod ilabi na ang bahin sa gisumiter niyang SALN.

Kay unsa ba gyud diay kining giingon nilang daghang katigayonan si Corona nga wa isuwat sa iyang SALN wa diay kini kamatuoran, kay mamatay man sa natural nga kamatayon ang kaso niya? Di ba? 

ANDY TAN BUSA CORONA FENG SHUI KAY KUNO PHILIPPINE STAR
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with