Torotot vs. pabuto

Torotot versus pabuto kon firecraker alang sa pagsugat sa Bag-ong Tuig. Hain may imo? Inilog gayud ang pabuto. Way lalis.

* * *

Apan duha ka magsuong babaye, 13 ug 14 anyos, nga taga Labangon, ning siyudad, namaligya’g torotot ug sus sa duha lang ka adlaw Disyembre 29 ug 30, nakasapi ang magsuong bata og kapin sa P2,000.

* * *

“Wa mi magdahum nga kahalinan mi og torotot sa ingon ka daghan,” matud pa ni Lizbeth ug Marineth. “Nalupigan namo ang namaligya’g pabuto nga nipuwesto tapad namo.”

* * *

Nagsigi gud mi balik-balik sa manghihimo sa torotot kay dali ra mahurot ang among gitinda,” matud pa ni Lizbeth.

* * *

Tungod kuno sa kakusog sa halin sa ilang torotot, ang namaligya’g pabuto namaligya na lang sab og torotot.

* * *

Ang lugar nga ilang gitindahan sa torotot mao ang gate sa simbahan tapad sa ilang gipuy-an. Diha kunoy duha ka de-kotse nga namalit og denosenang torotot. Nahutdan gud kuno ang ilang suplayer.

* * *

TRIVIA -- Happy New Year sa atong mga higala diha sa Banawa ug Guadalupe Proper. Salamat sa inyong suporta tibuok tuig 2011.