EDITORYAL - Ang eleksyon sa US ug ang RP

Eleksyon presidensyal karong adlawa didto sa Estados Unidos sa Amerika diin nakamugna kini og halapad nga interes sa nagkadaiyang nasud sa kalibutan.

Dako usab ang interes sa mga Pilipinhon sa maong politikanhong kalihukan sa Amerika gumikan sa duha ka labing mahinungdanong hinungdan:

1. Ang ekonomiya sa atong nasud nahagaid sa ekonomikanhong situwasyon sa Estados Unidos.

2. Daghang mga pamilya sa atong nasud nga adunay mga kabanay didto sa U.S. kinsa maoy tinubdan sa ilang panginabuhian.

Busa dili ikahibulong kining dako uyamot nga interes nga gipakita sa daghang Pilipinhon ngadto sa piniliay sa Amerika karong adlawa.