Pagrampa sa kalsada ng bus ni Kamatayan

HUMAHAGIBIS na parang mga single motorcycle,   paekis-ekis na parang bisikletang nag-eeksibisyon sa kalsada at ang kanilang ruta, biyaheng langit!

Eto ang mga rumaratsadang bus sa mga kalsada sa Metro Manila. Naglalakihang pampasaherong sasak-    yan na oras magmintis ang manibela at preno, patay kang bata ka.

Kung ikaw ang sakay ng mga bus na ito, direkso ka kay Kamatayan.

Ngayong taon na ito, marami-rami ang napabalitang salpukan, at pagtaob kung saan mga pampasaherong bus ang bida. Ang siste, ilan sa mga pasahero nito ay sugatan at kapag minalas-malas pa, binabawian na ng buhay.

Nakakaalarma ang sunud-sunod na aksidenteng tulad nito dahil maraming normal na tao ang nasisira ang buhay dahil sa disgrasyang hindi naman nila ginusto at hindi nila kasalanan.

Ang tanong sa kabila ng mga aksidenteng ito, bakit paulit-ulit ang mga disgrasyang mga walang ingat na drayber ng bus ang dahilan.

Ang sabi ng ilan, may batas daw na sinusunod ang mga kompanya ng bus na kapag nakadisgrasya ay tuluyan na nang makatipid sa gastos.

O di naman kaya ay lingid sa kaalaman (o kung alam man ay nagmaang-maangan) ng mga otoridad na ang estilo lamang ng mga walanghiyang kompanya ng bus na ito ay magpalit ng pangalan.

Kung meron na silang record dahil sa nakaraang aksi­­den­teng kinasangkutan ng kanilang kompanya, at kinan­ sela ng Land Transportation and Franchising Board ang kanilang prangkisa, magpapalit lamang sila ng pangalan.

Oo nga naman, ba­gong pangalan, new image at dahil dito, puwede na ulit mag-operate at maka­pa­­­-ma­sada ang mga gung­gong.

Kahapon sa aking programang BITAG Live sa UNTIV, maraming text­ers ang nagbigay ng ka­nilang mga kuro-kuro.

May nag-text na ma­lakas lamang daw ang loob ng mga hinayupak na drayber ng bus na maghari-harian sa daan kapag gabi na dahil tulog na ang mga traffic enforcers sa ganoong oras.

Kung meron naman daw gising ay mga ‘‘kotong boys’’ na lamang kaya tu­loy pa rin ang bisyo ng pagratsada.

May nag-suggest na­man, bakit hindi na la­-mang daw i-calibrate ang mga bus upang maging 80kph na ang maximum speed limit ng mga ito.

Iba-iba man ang opin­yon at suhestiyon, ang aming misyon sa BITAG, tuldu­kan ang nakama­matay na nakasanayang trip na ito ng mga drayber ng bus.

Subalit nasa kauku­lang ahensiya pa rin ng ating pamahalaan naka­sa­la­lay ang tunay na aks­yon para matapos na ang pag­rampa sa kalsa­da ng mga bus ni Kama­tayan!