EDITORYAL - Di lang unta mapiit

Nagsamot og kainit ang panag-away ni Mayor Tomas Osmeña ug Kongresista Tony Cuenco. Nagpadayon ang binayloay’g mahait nga pulong tali nilang duha.

Di nalang nato iasoy ang sinugdanan ug hinungdan sa maong panag-away. Di na mahinungdanon kun unsay sinugdanan niini.

Manghinaoat lang kita nga dili mosangpot sa dili maayo ang maong panagbangi ning duha ka lider sa dakbayan.

Hinaut unta nga ang mga lumolupyo sa South District diin si Cuenco maoy representante dili mapiit taliwala ning mainitong panag-away ni Tom ug Tony.