Ang dagway sa politika
AMBOT LANG - AMBOT LANG Ni Gerry Auxilio () - February 1, 2007 - 12:00am
Sa matag kaguliyang nga nahitabo dinhi sa nasud, ato dayon kining ibasol ngadto sa politika. Murag ang tanan nga kagubot ug mga kaguliyang politika ra gyod ang hinungdan. Mao kini ang hinungdan kon nganong ang mga tawo nagtoo nga dautan na lang gayod ang politika. Pero aduna bayay laing dagway ang politika. Sigon sa mga political scientist, ang politics kon politika - city-state ug gani matud pa nila, nga kon ang duha o daghan nga magkukabildo o maghisgot og butang nalambigit na sa politika. Ang politika dili dautan ug gani matud pa sa uban nga mga haniti, ang politika makatabang pa kini aron mapalambo ug mapanalipdan ang atong interest diha sa kagamhanan.

Kaniadtong miaging adlaw si Irene Camarista miduso ug ubay-ubay nga kasong pagpangawkaw batok kang kongresista Tony Cuenco gumikan sa matud pa pagpamalit niini og multicab nga gipasobrahan ang prisyo. Si Irene Camarista gikuyogan ni Jonathan Guardo sa iyang pag adto sa buhatan sa ombudsman. Apan, tubag ni kongresista Tony Cuenco, gimik lamang kuno ang gihimo ni Guardo ug pamolitika. Si Guardo magpapili sa pagka kongresista sa south district kontra ni Cuenco.

Si Mayor Tomas Osmeña ug Kongresista Tony Cuenco nangapod-apod usab og mga philhealth cards ngadto sa mga residente sa South District. Apan aron kini maalkontra ni Jonathan Guardo, ang iyang kampo matud pa mang apod-apod usab og libreng tambal ngadto sa mga residente sa South District.

Kining tanan kon atong sumadahon kabahin lamang sa pamolitika. Pipila lamang kini sa mga sukaranan nga aduna diay pikas nga dagway ang politika. Kon dili pa tungod sa politika di nato mahibaw-an nga aduna diay multicab nga gipamalit si kongresista Tony Cuenco nga ang prisyo murag awto kay ang prisyo niini tag 300 mil ka pesos matud pa sa reklamo ni Irene Camarista.

Kon dili pa tungod sa politika dili unta makapahimulos ang mga taga south district og libreng philhealth cards ug libreng tambal gikan nila ni Tony Cuenco ug Jonathan Guardo. Mao na nga usbon ko, ang politika dili sa tanang higayon dautan. Gani para kanako, ang politika di gyod dautan. Ang politika nahimo lamang dautan tungod sa mga politiko nga dautan.

APAN IRENE CAMARISTA JONATHAN GUARDO KONGRESISTA TONY CUENCO POLITIKA SOUTH DISTRICT TONY CUENCO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with