Impressions in life

Dili kalikayan nga ang tawo mogama gyug impression sa uban, pinaagi sa mga pulong ug mga buhat. Mahimo nga ang hintungdan dili conscious niini, mahimo usab nga tuyoon, kay nagpaabot nga daygon.

Ang uban nato gumikan sa kalantip sa salabutan, gumikan sa pagka-manggialamon, gumikan sa pagka-bright, maka-create gyud og impression sa uban sama nga kining atong pagkabulok, kining atong pagka-hanggaw, maka-create usab og impression sa uban - hinoon, wa'a lay hinungdan nga impression.

Mao nga mogara gyud kadtong naghupot og brilliant ug intelligent nga mga pangutok ug paminsar. Kasagaran ini nila, maayo kaayong manulti. Kilawon lang ang Iningles, ug di sad bintahaan kon mag-Binisaya.

Apan, niay pasidaan, gi-text na usab kanato ni Boy Odilao, nagkanayon: "A brilliant mind is useless without a loving heart because in life's challenges we make an impression with what we say, but we make a name with what we do."

Nindot kaayo, alang kanilang mga brilliant minds. Kasagaran ra ba ini nila, mga hambugero kaayo. Nakaminos natong mga average minds. Mag-unsa man kono ang mga brilliant minds kon wa'ay kasingkasing? Kini ra bang mga wa'ay kasingkasing mga wa'a kini silay consideration sa uban.

Wa'ay pagbati sa uban.

Ug mas ngil-ad karong mga bulok ug mga hanggaw, unya, wa'a pa gyoy kasingkasing. Ug samtang ang atong pagka-brilliant, ang atong mga isulti maka-create og impression sa uban, ang atong mga buhat (nga maayo) maoy makahatag kanatog ngalan.

Dinhi, gilain ang impression ug ang paghatag og ngalan, o making a name. So, ang buhat maoy mahinungdanon, dili unsay gipanulti. Mao kini ang atong nasud karon. Daghan kaayong sulti. Daghan kaayong mga brilliant minds. Kuyaw kaayog mga headlines, impressive kaayog mga interview sa telebisyon, dahunog kaayog mga tingog sa radyo ... pastilan, apan wa'ay mga kasingkasing,

Wa'ay buhat.

And look what's happening to our country today. Sa ilang giingon, we've been lying, cheating, and stealing.

Samtang ang ubang kanasuran, nagkompetensiya paggamag mga armas nuclear, kita dinhi, miungot sa politika, sige pag lalis kon kinsa ang mas bakakon, kinsa ang mas tikasan, ug kinsa ang mas kawatan, pakapinan pag lalis kon kinsa ang mas maayong mo-Ininglis.

Pastilan, Dro, asa na man ta ini paingon?