EDITORYAL — Habal-habal driver's license gisugyot

Mikatag na kining habal-habal, motorsiklo nga gihimong depasaheroan, sa kabaranggayan dili lang dinhi sa Sugbo kundili usab sa uban dapit sa nasud.

Ang pagsanay niini di na mabangbang busa morag gipasagdan na lang ang operasyon niini sa gobiyerno.

OK rang pasagdan kini kay makatabang man sa pagsulbad sa kanihit sa transportasyon sa rural areas ug nakahatag usab og panginabuhian sa mga tag-iyag motorsiklo.

Apan di ba maayo nga isyuhan og lisensiya ang drayber sa habal-habal ug una iisyu ang maong lisensiya klarohon gyud nga walay police record ang aplikante ug ipaubos kini sa drug test alang sa kasiguroan sa pasahero.

Duna nay mga panghitabo diin na biktima ang pasahero gumikan sa kabuang sa drayber sa habal-habal ug tungod kay kini adis-adis.

Sugyot kini sa usa ka concerned citizen kang kansang batan-ong asawa hapit lugosa sa drayber sa habal-habal nga iyang gisakyan.