Nganong di man Presidential/Federal?

Sa ato nang giingon dinhi, waa na sila maghisgot og Federalism. Ug ilang gipangusgan ug ipamugos ang Parliamentary form of government.

Nagpasabot nga status quo ang Imperial Manila. Pabilin ug padayon ang kahawod sa Manila, over natong taga-probinsiya. Sa ato pa, among others, sila gihapon ang hawod, ug kon malipat ta dinhi sa mga lalawigan, mao gihapong mga tawhana nga naa karon sa gahom ang manghawod unya, kon mahinayon gyud ang cha-cha.

Ug lagmit, aron mosuportar gyud ang mga local official sa maong mga lakang ug lipat-lipat, magpabilin ang no-el kon no election.

Alang nila, ang cha-cha maoy kasulbaran sa mga suliran sa nasud, ilabina kon sila gihapon ang magtungtong sa gahom. Porbidang dimalasa sa Pinoy.

Ang Amerika, ang labing gamhanan ug labing progressive nga nasud sa tibuok kalibutan, ubos sa Presidential ug Federal system of government. Ug giingon nga pipila sa mga nasud ubos sa parliamentary form of government naibog ug naglaraw pag-awat sa American system.

Mao nga, kon usbon man gyud ang atong batakang balaod, kinahanglan, dili dali-dalion, pasabton og maayo ang tanang Pinoy, ug maoy atong sagupon ang Presidential/Federal form of government sa Amerika.

Ug tungod kay ubos sa maong sistima, waa may kaseguroan nga duna gihapoy pork barrel, maoy hinungdan nga di sila gusto sa federal tungod kay ang ila na lang unyang mga sweldo ang ilang saligan.

Mao nga lungsod, kailangang mag-ingat, baka malipat pa tayo. Atong siksikon pag-ayo ang mga kausaban nga ilang himoon. Tinuod ba gyud ni nga makaayo kanatong tanan? Ug ato silang pangutan-on ngano nga di sila gustog eleksiyon?

Ngano man, Sir? - Komentaryo? Text 0916-6484650