Ang serbisyo ni Eddie kay Bro. Eddie
- Al G. Pedroche () - May 8, 2004 - 12:00am
NAGULAT ako kahapon nang i-text ako ng kaibigan kong si Kata Inocencio na si "Eddie" raw ay na-stroke habang papunta sa dadaluhang miting-de-avance sa Luneta at ngayo’y mangangailangan ng agarang operasyon upang alisin ang blood clot sa ulo.

Akala ko’y si Bangon Pilipinas Presidential bet Eddie Villanueva ang tinutukoy ni Kata. Yun pala’y ang batikan at kilalang broadcaster sa radyo at telebisyon na si Eddie Mercado. Nanlumo rin ako siyempre porke isa sa mga inidolo kong brodkaster si Eddie ng ako’y nag-aambisyon pang mapasok sa larangan ng broadcasting.

Agad kong tinawagan ang isa pa ring haligi ng broadcasting na si Barr Samson na kaibigan din ni Eddie. Nagkaisa kami na ipagdasal ang mabilis na recovery ni Eddie. Sa mga makababasa nito, samahan po niyo kami sa aming panalangin.

Isa sa mga hard-working volunteer workers ni Bro. Eddie si Eddie. Nagsisilbing emcee sa bawat political rally na dinadagsa ng angaw-angaw na tao.

Naniniwala ako na ang serbisyo ni Eddie kay Bro. Eddie ay serbisyo para sa bayan dahil sa dalisay na paniniwala na nasa kamay ni Bro Eddie at pamamatnubay ng Diyos ang ikauunlad ng ating bansa.

Eleksyon na sa Lunes, gabayan nawa tayo ng Diyos sa ating pagtungo sa presinto upang ihalal ang inaakala nating matinong leader para sa Pilipinas na nangangailangan ng tunay na reporma. Pag-aralan at kilatisin natin ang mga kandidato at dinggin ang konsensya at hindi ang panghihikayat ng iba.

BANGON PILIPINAS BARR SAMSON BRO EDDIE DIYOS EDDIE EDDIE MERCADO EDDIE VILLANUEVA ELEKSYON ISA KATA INOCENCIO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with