Gustong umutang ng pampatayo ng bahay

Dear Sec. Mike Defensor,

Nag-avail ako ng Pag-IBIG housing loan para makabili ng isang maliit na lupa sa Quezon City noong 2000. Updated naman ako sa pagbabayad. Nais ko sanang mag-avail uli ng karagdagang loan para sa pagpapatayo ng bahay. Maaari ba ito kahit hindi pa ako bayad sa utang? Anu-ano ba ang mga requirements? – Marie, Quezon City

Sinumang may kasalukuyang housing loan ay maaaring makahingi ng karagdagang utang para sa pagpapaayos o pagpapagawa ng bahay. Kailangan lamang na updated ang kasalukuyang loan. Dagdag sa mga dati na ninyong requirements na ibinigay, kailangang ibigay pa ang mga sumusunod na dokumento kung ang inyong nais ay magpagawa ng bahay sa inyong biniling lupa sa pamamagitan ng Pag-IBIG housing loan:

1. Housing loan application

2. Income Tax Return noong nakaraang dalawang taon

3. Latest payslip

4. Proof of billing address

5. Building/Electrical/Sanitary Permit

6. Building Floor Plans duly signed by the borrower

7. Specifications and Bill of Materials duly signed by the licensed engineer.

8. Occupancy permit (pag natapos na ang bahay)

9. Official receipts ng updated payments.

Para sa karagdagang impormasyon, tumawag sa Pag-IBIG Office Loans Origination Division, 811-4174.