Sexy star, ‘di pinalusot ng traffic enforcer!

Hindi nagamit ng isang sexy star ang image niya nang mahuli siya ng traffic enforcer habang papunta sa isang mediacon na dadaluhan.

Eh dahil sa pagamadali, napasok ni sexy star ang isang kalye na hindi niya alam eh one way pala.

Nakita ng traffic enforcer ang ginawa ni sexy star kaya pinahinto siya. Nakiusap ang sexy star sa enforcer dahil nagmamadali siya para sa mediacon na pupuntahan.

Inirason ng sexy star na isa siyang sexy star at lumalabas sa isang streaming app.

Sinipat mabuti ng enforcer ang sexy star saka sinabing, “Hindi kita kilala!” Sabay isyu ng violation tiket, huh!

Isko, lihim pa ang GAME SHOW!

Isa si Isko Moreno sa bahagi ng Signed For Stardom ng Sparkle Artist GMA Center.

Maraming pinapirma, may ni-renew pati na social media artist.

May project na game show na inaayos para kay Isko. Pero sa GTV ito mapapanood. Looks like exciting ang game show pero hanggang wala pang pirmahang nagaganap eh quiet muna kami sa project niyang ito.