Bawas-presyo sa langis, ipatutupad ngayon

MANILA, Philippines — May rollback o bawas presyo ang mga lokal na kumpanya ng langis ng tapyas presyo ngayong araw, Mayo 14, 2024.

Ipinahayag kahapon ng major oil players na Petron Corporation, Pilipinas Shell, at Chevron Philippines na alas-6:00 ng umaga ngayong Martes, may tapyas sila sa presyo ng gasolina na P2.00 kada litro, P0.50 kada litro sa diesel at P0.85 sa kada litro ng kerosene.

Dalawang iba pang miyembro ng Philippine Institute of Petroleum (PIP), PTT Philippines at Total Philippines ang magpapatupad ng parehong price adjustments ng kanilang mga produktong diesel at gasoline na epektibo ng alas-6:00 ng umaga rin ngayong Martes. Wala naman silang produktong kerosene.

Gayundin ang price adjustments sa gasoline at diesel na ipatutupad ng independent oil pla­yers na Petro Gazz, Phoenix Petroleum, Unioil Philippines, at Eastern Petroleum, na wala ring ibinebentang kerosene pagpatak ng alas 6:01 ng umaga ng  Martes,  ng umaga habang ang Clean Fuel ay magpapatupad ng  mas maaga o pagsapit pa lang ng 12:01 ng mada­ling araw  ng Martes.

Sinabi ni PTT Media Relation Office Jay Julian na ang lingguhang adjustments sa Lokal na merkado ay dulot ng paggalaw ng presyo  sa international market.