Artists pagpintahin sa mga pader sa Pasig River, EDSA
Giit sa MMDA
MANILA, Philippines — Para masuportahan sa kabuhayan matapos mawalan ng hanapbuhay dahil sa pandemya, nanawagan si Sen. Sonny Angara sa National Commission on Culture and Arts (NCCA) at Metro Manila Development Authority (MMDA) na pagpintahin sa mga dingding sa Pasig River at EDSA ang mga “artist”.
Sinabi ni Angara, chairman ng Committee on Finance, na mayroong ongoing program ang MMDA sa kahabaan ng Pasig River bilang rehabilitation effort kaya dapat kunin nito ang mga pintor para magpinta ng murals sa mga dingding at banks.
Dapat din umanong irekomenda ng NCCA ang ilang artist na kailangang ikomisyon sa MMDA para mayroon silang source of income dahil tiyak umanong apektado rin ang kanilang mga trabaho dulot ng pandemya.
Nitong Agosto ay nagbigay ng one time cash assistance na P5,000 hanggang P10,000 ang NCAA para sa mga artists.
Bukod sa Pasig River banks, dapat ding ikonsidera ng MMDA na kunin ang mga artist na magpinta sa mga dingding ng mga pangunahing lansangan sa Metro Manila tulad ng EDSA.
- Latest