Lider ng 'Bundol gang', 3 galamay timbog

MANILA, Philippines - Nalansag ng mga awto­ridad ang isang grupo ng kri­ minal na sangkot sa pang­ho­holdap sa   mga balik­ba­yang Overseas Filipino Workers (OFW’s), dayu­hang turista at mayayamang ne­gosyante kasunod ng pag­ka­kaaresto sa lider   at tatlo ni­tong tauhan sa magkahi­walay na operasyon sa Metro Ma­nila, ayon sa PNP ka­hapon. 

Sa press briefing sa Camp Crame kahapon, kinilala ni PNP Chief Director General Jesus Ver­zosa ang mga na­sakoteng “Bundol gang” na sina Raul Lu­man­tas, Junreal Abel Gumanay at Cirilo Paja. Ang tatlo ay na­tunton sa NAIA Road, Pasay City kamaka­lawa ilang minuto matapos maka­tangay ng P17-M sa isa na namang ma­yamang biktima. 

Nabatid na nagkaroon ng maikling palitan ng putok ma­tapos habulin ng mga opera­tiba ng PNP-HPG ang mga suspect sa bahagi ng South Greenpark Subdivision sa Merville. Para­ñaque City na nag­resulta sa pagkasugat ng mga ito.

Narekober sa mga sus­pects ang isang M16 rifle, dalawang cal. 45 pistol at isang granada.

Arestado naman sa isina­gawang follow-up operations ang lider ng grupo na si Robert Sia alyas Tata Revo. Ayon naman kay PNP-High­way Patrol Group (PNP-HPG) Di­rector Chief Supt. Leonardo Espina ang grupo ni Sia ang sangkot sa serye ng robbery/holdup, hijacking at carnap­ping kabilang ang pamamaril at pagkasugat ng bayaw ni dating presidential daughter Luli Arroyo na si Jun Bernas.

Si Jun Bernas ay pinag­ba­­baril ng mga suspect ng pu­ma­lag habang sapilitang inaagaw ang minamaneho nitong sasak­yan na galing sa NAIA sa nang­yaring insi­dente sa kahabaan ng C-5 Road, Pasig City noong Hun­yo 19 ng taong ito.

Ayon kay Espina, ang modus operandi ng mga sus­pect ay ang mambiktima ng mga balik­bayang OFW’s, da­yuhang tu­rista at maya­ya­mang negos­yante sa bisini­dad ng NAIA at Domestic air­port area na su­sundan kung saan kapag naka­kuha ng tiyempo ay bubundulin ang sa­sakyan. Kapag bumaba ang driver ng behikulo upang inspeksyunin ang sasakyan ay dito na tututukan ng baril ng mga suspect, aagawin ang sasakyan at magde­deklara ng holdap ang grupo na lilimasin ang mapapa­kinabangan sa mga biktima par­tikular na ang alahas at pera.