Bagong laya binoga

MANILA, Philippines – Isang bagong laya na binata ang binaril at napatay ng da­lawang kalaban niyang gang habang ang una ay natutulog sa isang kahoy na bangko, sa labas ng kanilang bahay sa Tondo, Maynila, kahapon ng madaling-araw.

Dead-on-the-spot ang bik­timang si Jonathan Tor­res, alyas “Tango”, ng Int. Pearl corner Osmeña at M. Dela Fuente Sts. Tondo Maynila.

Sa ulat ni Det. Benito Cabatbat ng Manila Police District-Homicide Section dakong alas-4:00 ng ma­daling-araw nang maganap ang insidente sa panulu­­kan ng Osmeña at M. Dela Fuente Sts, Tondo.

Pinaghahanap naman ang dalawang di nakilalang suspek na kapwa armado ng sumpak at revolver.

Nabatid na habang ma­him­bing ang pagkakatulog ng biktima ay biglang su­mulpot ang dalawang sus­pek at binaril ito sa ulo. Tuma­ kas umano ang mga suspek matapos ang pa­mamaril.

Hinala ng imbestigador, pag­hihigante ng kalabang gang ang motibo sa pag­patay sa biktima matapos matumba umano ang kani­lang ka-mi­yembro.

Nabatid din na kalalaya pa lamang mula sa Manila City jail ng biktima, na nakulong sa loob ng anim na buwan sa hindi bi­nanggit na kaso. (Ludy Bermudo)