Mag-asawa ginulpi ng ex-lover ni misis
Kasalukuyang ginagamot sa Pasay City General Hospital ang mag-asawang Ramon Aquino, 48 anyos, at Sherryl Lenon, 31 anyos, ng Imus, Cavite makaraang bugbugin sila ng dating nobyo ng huli na si Jerold Sunga sa harap ng Department of Foreign Affairs sa Pasay City kahapon ng madaling-araw.
Sinabi ni Sherryl na dati niyang nobyo si Sunga. Nakipagkalas siya rito noon dahil sa pagiging iresponsable nito at hindi nila pagkakasundo sa maraming bagay hanggang sa makapag-asawa siya ng iba.
Susunduin sana umano ng suspek ang dating nobya nang makitang magkaakbay ang mag-asawa habang naglalakad sa tapat ng DFA at agad na kinompronta ang mga ito. Nang ipagtapat ng babae na asawa na niya ang kasamang disc jockey ng pinapasukan niyang bar ay biglang nagwala ang suspek at naging bayolente ito hanggang sa pagbubugbugin sila nito. (Rose Tamayo-Tesoro)
- Latest
- Trending