Asawa ni Katrina Paula inambus, patay

Patay ang isang ne­gosyante at asawa ng isang dating sexy starlet makaraang pagbabarilin ng dalawang hindi nakila­lang suspek sa tapat ng bahay nito, kahapon ng umaga sa Quezon City.

Nasawi sanhi ng tat­long tama ng bala ng hindi pa mabatid na ka­libre ng baril ang bikti­mang si Anthony Yap, 38,   residente ng Sorsogon St., Brgy. Nayong Kan­lu­ran, ng naturang lungsod.

Patuloy na nagha­hanap naman ng saksi ang pulisya na posibleng nakakita ng pangyayari at makakilala sa tumakas na mga suspek.

Sa inisyal na ulat ng Que­zon City Po­lice Dis­trict-Cri­minal In­ves­ti­gation and Detection Unit, na­ ganap ang pama­maril pasado alas-6 ng umaga sa tapat ng apart­ment nito sa nabanggit na lugar.

Nabatid na papasa­kay na ng kanyang kotse si Yap nang huminto sa tapat nito ang isang mo­tor­siklo lulan ang dala­wang gunman. Dito sunud-sunod na pinapu­tukan ng malapitan ng mga salarin si Yap at ma­bilis na tumakas sa hindi mabatid na direksyon.

Sa inisyal na imbes­ti­gasyon, sinabi ni Homi­cide Section chief, Supt. Marcelino Pedrozo, ang­gulo ng love triangle‚ ang ma­susi nila ngayong tinu­tutukan. Si Yap ay ang asawa ng dating sexy star­let na si Katrina Paula na nagretiro na sa pelikula.

Nabatid na nitong na­karaang Ok­tubre, pi­na­­ula­­ nan din ng bala ng mga hindi na­ki­lalang sus­pek ang kotse ni Yap sa tapat ng pag-aari nitong bar na Pa­radise Club at Me­tallica Club sa Quezon City.

Isang negosyante rin na hindi muna binanggit ng pulisya ang idine­man­da ni Yap sa na­turang insidente na siya ring hinihinalang nasa likod ng pamamaslang sa bik­tima. Napag-ala­man na masugid uma­nong man­liligaw ni Katrina Paula ang suspek na pilit na nanunuyo sa kabila na may-asawa na ito.