How can I move on?

Dear Tita Salie,

Have a wonderful day and how are you, Tita? By the way, just call me Maricel, single apan nagproblema sa akong kasingkasing. Tigbasahan ko sa imong column apan nisulat gyod ko pagtuyo kanimo aron magpatabang ko niining akong problema karon. Gusto gyod ko nga mangayo og tambag kanimo kun unsay angay nakong buhaton.

Duna koy ex boyfriend, 2 months na ang nilabay sukad sa among panagbulag. Apan nganong hangtod karon siya pa man gihapon ang akong gihigugma? Amo nang giputol ang tanan, wala na mi magkita ug wala na mi communication apan nganong siya man gihapon ang permi nakong hunahunaon?

Duna nakoy laing uyab karon, Tita Salie, apan nganong puyde ra man nakong makalimtan ang akong uyab pero ang akong ex dili ko mahimong kalimtan? Tungod ba kay siya ra ang akong napailaila sa akong parents?

Usahay gusto ko mo-text niya kay gimingaw na gyod ko kaniya apan dili nako mobuhat. Maghari kanako ang kaikog ug kauwaw. Love kaayo nako siya sa una, ug bisan karon nga wala na mi apan ang akong na-feel mora og mao lang gihapon. Nganong malisod man ang pagkalimot kaniya, Tita? Unsa may angay nakong buhaton? Palihog pasabta ko. Thank you so much and more power.

* * *

Dear Maricel,

Of course lisod kaayo pagkalimot sa usa ka tawo nga nahimong tipik sa atong kinabuhi. Lisod man ganing kalimtan ang tawo nga atong gikalagotan labaw na ang tawo nga maoy natingban sa atong tim-os nga gugma ug pagbati. Busa natural lamang kana nga bation sa usa ka tawo. Ayaw katingala ug ayaw pugsa ang imong kaugalingon sa paghikalimot sa imong ex boyfriend kay wala ka masayod na everytime nga imong pugson ang imong kaugalingon sa paghikalimot kaniya mas musamot hinuon nga magsige ka og hinumdom kaniya. Ug imong gipugos ang imong kaugalingon nga mahinumdoman siya.

Busa kun gusto nimo siyang kalimtan ayaw na siya hunahunaa ug labaw na nga ayaw na gyod paghunahuna kun unsaon nimo siya paghikalimot aron dili na gyod nimo siya mahunahunaan ug mahinumdoman. Pasagdi ang panahon ug mga panghitabo sa imong kinabuhi nga maoy mutabon kaniya diha sa imong panumdoman. Pinaagi sa mga bag-ong kasinatian nga imo unyang maagian. -- Tita Salie