Sukli sa utang

 (Gula 100)

Sulod sa akong lawak, gisaw-an namo ni Alva pagtagay ang lawasnong kalipay. Nag-amping lang mi nga dili moigot ang kama aron dili makabati si Josie nga natulog didto sa pikas lawak.

Migawas na siya sa balay ug migikan paingon sa iyang trabaho isip collector sa canton factory nga ako sab nga gitrabahoan. Mangaadlawon man god siya sa pagpaningil sa mga suking tindahan. Tungod sa kadaghan sa mga tindahan sa canton factory nga among gitrabahoan, magabhian si Alva sa pagpaningil.

Tungod sa nadiskobrehan namong paagi nga puyde diay ming mag-sex sa balay inigka kaadlawon sa dili pa siya mogikan paingon sa trabaho, panagsa na lang mi si Alva nga motsek-in sa motel. Sa balay na lang namo buhata ang kinawatkawat nga panagsalo sa lawasnong kalipay aron dili kaayo dako ang magasto.

Ang akong gihimo mao nga kanunay kong giabiyerto ang pultahan sa akong lawak. Itak-op man tuod nako ang palid sa pultahan apan dili ko kini i-lock. Sa ingon, dili maglisod si Alva pagsulod sa kuwarto sa dayon niyang gikan paingon sa trabaho inigka kaadlawon.

Nagpadayon ang kinawatkawat nga pagtagay namo ni Alva sa dugos sa lawasnong kalipay sulod sa akong kuwarto. Hapit tanang kaadlawon nga mohapit gyud si Alva pagsulod sa akong lawak-katulganan sa dili pa siya mogikan paingon sa trabaho. Nag-amping lang gyud mi nga dili makamata si Josie. Mo-score gyud mig kausa matag kaadlawon.

Nagtuo lang intawon ang akong ig-agaw nga si Josie nga inigbangon sa iyang bana sa kaadlawon, modiretso na kini sa trabaho. Dili lang siya magsusi. Nagtuman lang siya’g katulog. Wala lang siya’y kasayoran nga mohapit si Alva sa akong kuwarto sa dili pa kini mogikan paingon sa trabaho. Nagmata lang og morning ang akong ig-agaw.

Apan usa niana ka kaadlawon nga misulod na usab si Alva sa akong lawak, kalit lang naabli ang pultahan samtang nagkamulo kami’g saulog sa kalalim sa lawasnong kalipay. Nakalitan ming duha. Dihang misiga ang suga sa akong lawak, maoy mibantang sa akong panan-aw ang bayhon ni Agaw Josie nga nagbarog sa may pultahan. -- Sumpayan pa