El Rancho Singing Idol: Kinawboy ni!

Magpasalamat gyud kong daan sa pag-commit ni Sir Stanley Go, ang VP sa sales and marketing sa Virginia Food, Inc., nga mopaluyo sa mga kalihokan sa Bisrock scene karong umaabot pa'ng mga adlaw. Nipasalig siya nga suklian ang suportang gihatag sa mga suki sa Banat News ug The FREEMAN ngadto sa bag-o pa lang nahuman nga preliminary search sa El Rancho Singing Idol: Kinawboy ni diha sa kabarangayan. Dili lamang matang sa musika ang gitabangang iduso ning maong pamantalaan. May mga produkto usab, labi na ang bag-ong Corned Beef Loaf, nga dinhi unang nakatawag og pagdani.

Sa usa ka pakighinabi nga didto pagabuhata sa pamuhatan sa Virginia Food, Inc. sa dalan A.S. Fortuna, Mandaue City, nahibaw-an nga 12 kabuok ang nahimong finalists alang sa Grand Finals sa El Rancho Kinawboy Ni Singing Idol. Kahinumduman nga sulod sa usa ka bulan ug tunga, adunay gipahigayong inter-barangay singing contest isip pag-screen sa mga entrante sa maong tigi sa kantang kinawboy. Tulo ang mananaug nga gikan sa Subangdaku, tulo usab sa barangay Talamban, tulo sa Gun-ob, Lapu-Lapu; ug tulo sa barangay Tisa.

Nahitabo ang paghashas sa mga partisipante diha's barangay Tisa representing South Cebu niadtong Marso 16, barangay Subangdaku alang sa Mandaue area niadtong Marso 17, barangay Talamban alang sa North Cebu district niadtong Marso 23, ug ang barangay Gun-ob representing Lapu-Lapu Area niadtong Marso 24.

Magtigi ang usa ka dosenang finalist karong Mayo 19 sa Grand finals. Niining pagsulat, wala pa'y tentative nga schedule nga gibuhian ang Paperbag Concept kon asa pagahimo-a ang maong kalihokan, kanus-a ug pila ang mga premyo. Apan garantisado nga mobaha gyud ang mga delatang El Rancho Corned Beef Loaf nga maoy labing bag-ong produkto sa VFI. "Another quality product of Virginia Food, Inc.," paghulagway pa ni Stanley. "Mao ni siya ang gihulagway ni Alan "Goliat" Nacorda nga two become one. Duha nahimong usa. Fusion sa corned beef ug beef loaf," niya pa.

Buot ipalanog ni Stanley nga atol sa grand finals, andam na silang mopahalipay sa mapiling People's Choice awardee ug alang sa mga home partners kaabag ang 91.5 Hot FM sa pagsibya alang sa mechanics kon unsaon pag-apil sa maong promo.

Kahinumduman nga ulahing bahin sa Pebrero hangtod sa nakalabay'ng semana, nanawagan ang organizer sa El Rancho Singing Idol: Kinawboy Ni! Niadtong mga aduna'y talento sa pagkanta og kinawboy, 18-45 anyos, nga mokuha og mga application forms sa labing duol nga barangay hall sa dili pa ang screening date. Ang ilang application gipalakipan og lima ka labels sa 160g o pito ka labels sa 100g nga El Rancho Corned Beef Loaf.

Sa wala makasalmot sa singing contest, may higayon pang makadaog og mga nagkadaiyang dagkong papremyo. Busa karon pa lang pagtigom na og mga labels sa 160g o 100g El Rancho Corned Beef Loaf aron makaapil isip home partners. Gidalit kini sa maayong kabubut-on sa Virginia Food, Inc. Atangi usab sa sunod buwan puhon ang paglusad sa 165g. can El Rancho Meatball and Beans (with real meatballs, four pieces) ug 220g. can with six meatballs. Adunay pagabuhaton puhon nga mga product sampling sa Metro Chain and Gaisano Chain of stores aron matilawan sa publiko ang mga bag-ong mugna sa VFI sa natad sa meat science/food processing.

Si Stanley hugot nga mipasalig nga sa mga sunod nga mga kalihokan sa Bisrock, andam siyang mopaluyo. Nindot kini nga kalamboan kay dili lang dunggan ang mabusog sa makabungog nga mga kanta, lakip na karon ang atong mga pabawnan labi na kon adunay cook-out activity nga paluyohan ang Virginia Food, Inc.

Sa natad sa buhat sa kalooy, mopahalipay ko sa mga pangulo ug mga sakop sa Deadspotters Society, Bagnuz Bisrock Clan, Bisrock Ato Ni Society, Agiponianz ug Kapabis Clans sa ilang naamot ngadto sa mga nabiktima sa sunog sa Mantuyong ug Guizo, dakbayan sa Mandaue. Kon buot hunahunaon, kining mga batan-on mas daghan pa sila'g mga suliran sa ilang tagsa-tagsa ka panimalay nga angayang hunahunaon, apan nahimo pa nila nga motabang sa ilang isig katawo pinaagi sa Abag Mandaue project. Usa kini ka pagpakita nga wala'y imposible alang sa tawong buot motabang. Mga grocery items ang nahatod sa Bisrock Ato Ni Society nga gidawat sa Deadspotters niadtong Domingo, Marso 25, atol sa usa ka tigom diha sa Fuente Osmeña. Ang Bagnuz mi-pledge nga magtigom usab og mga used clothings ug grocery items. Samtang ang Agiponianz ug Kapabis nakadonar ug P704 nga gipamalit sa mga sakop sa DSS og groceries. Ang mga hulagway sa sunod semana na puhon haonon.

Namarayeg sad ang Saint Alphonsus Catholic School Batch '84 Alumni Association nga suportahan ang ilang "Bisrak Back2Back," diin manukar ang mga bandang Phylum, Missing Filemon, Agadiers, Wet Slipperz, Ossified, Stonestomp, ug Metal Instinct. Mahitabo ang concert karong Marso 31, alas 7 sa kagabhion, anha sa Lapu-Lapu City Auditorium (atubangan sa plaza sa Opon, unahan sa Simbahan sa Birhen sa Regla). Mapalit ang tickets sa gate, sa Basak School Supplies (Basak, Lapu-Lapu City) ug sa Fely's Store sa Poblacion Public Market diha sa Opon.

Gikasubo usab sa organizer nga bisan tuod og napatik sa mga tickets ang bandang Aggressive Audio dili na sila makatunga sa maong event tungod sa laing commitment. Hinaut pa unta makasabot kuno ang magdadayeg sa Aggressive Audio, panawagan ni Ma'm Arlene "Lyn" Villanueva, ang auditor sa alumni association.

Bugsay, bugsay Message Corkboard

• Gud buntag kta na jud ko nmo ai. Ghapon sa fuente. Lihug lng ko syagit nla ni Choy, Trexie, Wenie, Ian, Bronx, Chumz, Dinah ug sa tanan DSS. - Gikan ni Philip

• Greet ko sa tanang Bisrocker. Greet sad q sa BLC. Nila ni jamir, aburami, marvn, reg2x, yagit, rastagrl, jcgurl ug sa tnan taga Lagtang. Thanks. - Joep

• Please lang ko palanog sa KBC clan. Nla frecaz, kenz, jes, leah, jendy, dirk, longs, clyn. Plz play Taban. Thnx. - From Mclerk

• Greet lang ko sa bandang Kimche ug Himalayan band specialy Tribu Bakukang. - From B.I.G. thanx

lPalihug ko palanog sa Agiponianz Society, Kapabis Clan, Rakizta Clan ug Punxka Clan. Hi pud nila jcgurl, cindy, izzy, kimboi, lab2x gkan ni TAKYA sa langtad, naga.

• Gud am. Plz q hi sa tnan graduating. Congratz spclly 2 4th yr aphrodite, hi 2 michael dha sa darbz, halu 2 ol my txtm8s and frndz. Tnx. - Shai of Pardo

• Plhug q sagpa nla bret, ug sq twin c eyen, combolata, saosin, cindy, bangug. Tnan rakizta nga galupad2x a2ng Sbado. - From Xiang