Dina out, Lorna in

Nag-first shooting day na kagahapon si Lorna Tolentino isip Yolanda, ang inahan ni Angel Locsin sa "Mano Po 5: Gua Ai Di (My Only Love)"sa Regal Entertainment.

Si Lorna maoy mipuli ni Dina Bonnivie nga hingpit na nga mibalibad tungod kay dili matakdo ang iyang schedules.

Nasayran sa PangMasa nga si Lorna gyud ang original choice alang sa maong role apan wala kini mahinayon sa sinugdanan tungod kay wala magkasinabot ang iyang manager nga si Manay Lolit Solis ug ang Regal kalabot sa talent fee.

Gi-consider usab unta si Cherry Pie Picache alang sa maong role apan wala mahimpos kay puno ang schedule niini gumikan sa Atlantika sa GMA-7.

LJ giswerte

Daw swerte karon sa gugma ug sa career si LJ Reyes. Kini tungod kay gawas sa "Makita Ka Lang" sa TAPE, Inc. nga magsugod na ugma sa GMA-7, siya usab ang hulip ni Princess Violago sa second book sa "Hoooo U" nga makita sa GMA-7 gihapon every Sunday after "Mahiwagang Baul."

Nasayran nga sa wala pa molarga si Jolina Magdangal sa Europe duna nay pipila ka episodes nga na-tape si Princess busa sa book 2 isulod si LJ.

Regular usab nga makita sa opening number sa "SOP" si LJ, kauban sila si Mark Herras, Marky Cielo ug Ryza Cenon.

Shaina di pa manguyab

Happy 17th birthday tomorrow, November 6, alang kang Shaina Magdayao, ug wish niya nga magpadayon ang mga blessings nga iyang natagamtam karon.

Ang regalo niya gikan sa iyang Ate Vina Morelas mao ang pagtugot niini nga mahimo na siya nga manguyab ug modawat og mga suitors. Pwes komedyahan siya nga mahimo na diay nga panguyaban siya sa iyang loveteam nga si Rayver Cruz, apan mibawos usab siya sa pagkomedya pinaagi sa pag-ingon nga dili mahimo kay layo ang balay ni Rayver sa ilaha.

Busa gipangutana na lamang siya unsay feeling niya nga matud pa naglinya ang mga naibog niya sama nila ni Victor Basa, Enchong Dee ug uban pang mga taga Star Magic?

"Nakaka-flatter po pero nakakatakot ding mag-seryoso at ma-in love. Marami pa po akong wish na gusto ko munang matupad. Like graduating na po ako sa home study ko sa Angelicum, magkasabay po kami ni Sarah Geronimo, sa March at gusto kong ituloy ito sa college, kumuha ng management sa La Salle dahil pagdating ng right time, gusto ko ako na ang mag-manage ng Ystilo namin."