Dion, 'hambugero' gihapon

Wala pa gihapon mawala ang pagkamauwawon ni Dion Ignacio hinungdan nga nasaypan siya nga "hambugero ug suplado" obserbasyon nga iyang gipanghimakak dihang nahinabi sa PangMasa.

"Hindi naman ako gano'n. Talagang mahiyain lang talaga ako," pong pa ni Dion. "Ewan ko ba pero talagang nauunahan ako ng hiya lalo na kapag mga malalaking artista ang mga kasama ko. Hindi ko kasi alam ang sasabihin ko. Baka kasi may masabi akong mali, mapagtawanan ako kaya tahimik na lang ako. Pero hindi ako suplado o mayabang. Nahihiya lang talaga ako."

Apil si Dion sa dakong cast sa "Now And Forever Presents Linlang" diin ka-eksena niya sila si Rudy Fernandez, Lorna Tolentino, Diana Zubiri, Polo Ravales, Chynna Ortaleza, Alessandra de Rossi ug daghan pa.



Tungod niini mapasalamaton si Dion sa GMA-7 gumikan kay padayon gihapon siyang gihatagan og mga maayo nga projects. Daghan ang nakabantay nga pang-matinee idol ang dagway ni Dion apan gikinahanglan nga magkat-on siya nga makighugoy hugoy sa iyang palibot inay magmang-hi-uwawon.

Madam Auring nagpabagas nawong

Nahimuot ang showbiz press kang Madam Auring tungod kay confident kaayo kini nga mitambong sa birthday party sa kolumnista sa PangMasa nga si Cristy Fermin niadtong Domingo sa Metro Bar bisag wala imbitaha.

Pong pa ni kolumnistang Manay Lolit Solis, nangayo pa og sorry si Madam Auring tungod sa iyang pagtambong bisan og dili imbitado." The height ang kanyang sinabi na pasensya na raw sa kanyang " gate-crashing ," pong pa ni Manay Lolit.

Matud pa ni Manay nga maayo na lang kay wala masayod si Madam Auring nga birthday party usab ni Douglas Quijano sanglit hayan mag-gate crash usab ang nahisgutan.

Suma pa ni Manay Lolit nga daw nagparetoke na usab si Madam Auring tungod kay nausab na sab ang dagway niini. Pwes ang iyang tambag ngadto sa nahisgutan nga tan-awon og balik ang daan niyang mga litrato aron makaamgo kini nga mas guapa siya sa una itandi karon nga retokada na siya.

Jomari nanambok og maayo

Angayan na nga mag-diet ni Jomari Yllana tungod kay basi sa tsika ni Manay Lolit Solis, labihan na niini ka tambok, samutan pa nga skin head ang haircut niini.

Karon sa pagpanambok ni Jomari, wala ka pugngi ni Manay Lolit ang mangutana kon maayo ba gayud mo-amoma ug mopangga si Pops Fernandez hinungdan nga labihan ang pagpanambok sa kanhi bana ni Aiko Melendez Jickain.

Hangtud karon wala pay pormal nga pag-angkon o pagpanghimakak sila si Pops Fernandez ug Jomari, apan ang mga suod nila nga higala nasayod nga tinood ug dili tsismis ang ilang espesyal nga relasyon.

Janice ug John wala magtagad

Wala magtinagdanay sila si Janice de Belen ug John Estrada human sila nag-abot sa nakalabay nga birthday dinner ni Douglas Quijano.

Nasayran sa PangMasa nga dugay nang wala magtingganay ug magtinagdanay ang duruha busa gibarogan lang ni Janice ang ilang sitwasyon ni John.

Apan miingon ang mga himantayon nga ang wala pagtagad ni Janice kang John hayan dili na tungod ni Vanessa del Bianco kondili tungod sa wala pagsuporta ni John sa ilang mga anak.

Samtang milugwa usab sa birthday dinner ni Douglas si Andrew Wolff nga nagbitbit pa ni Keanna Reeves. Miingon ang mga himantayon nga nagkasabot gayud ang duruha tungod kay give and take ang ilang sitwasyon sanglit ning bag-o lang si Andrew usab ang mikuyog ni Keanna atol sa premiere night sa "I Wanna Be Happy."

Pwes pong pa sa mga himantayon nga ipanghinaot na lang nga dili mabalita puhon nga nagbuwag na ang duruha tungod kay kulatado si Keanna ni Andrew sama sa pangangkon ni Ethel Booba kaniadto.