Assembly Language nagpanawag og 'Tabang'
June 23, 2006 | 12:00am
Daw pangilaba ang gibuhat nilang Nahshon "Nahsh" Maquiling, Simplicio "Emping" Kiskisan, Jr. (parehong vocalists ug lead guitarists), Zen Go (drummer), ug John Alfred "Janjan" Bajana (bassist, nga wala makatunga atol sa gipahigayong pakighinabi tungod sa mga kakulian nga dili kapugngan) niadtong panahon nga nagsugod pa lamang sila pagkatapok isip usa sa mga naningkamot makabaton og pangalan sa nataran sa Bisrock nga komunidad.
Gisaysay sa tulo nga gumikan sa ilang dakong gugma sa panugtog, nakadangop sila sa usa ka matang sa pangilaba sa kahitas-an aron katagaan og katumanan ang ilang kagustuhan nga makapagawas og usa ka Extended Play album.
Gani walay kukaulaw ang tulo nga mibatbat nga nakapanawag na usab sila og tabang sa kahitas-an sa dihang miabot ang mga panahon nga kinahanglan nilang magbaklay gikan sa usa ka jamming session dihas Lahug tungod kay nahutdan na sila og pamelete. Dalaygon lang ang ilang kasibot nga ipadayon ang tumong nga makumpleto ang ilang mga materyales.
Tataw kaayo sa ilang komposisyong "Tabang" ang tema sa kalisud nga nahimong gaan tungod sa ilang pagpangaliyupo sa Labaw'ng Makagagahum nga dili makabsan sa paglaum ug kusog. Kini mao ang mamahimo unyang carrier track sa ilang giplanong EP nga magbandilyo sa ulohang "Ambot!".
Ang Tabang naghukad og usa ka limpyong panagbad-ay-bad-ay sa ilang mga tingog nga matawag og mananoy bisan pa man og nalinya kini sa Bisaya rock nga matang sa musika. Hanglas paminawon ang ilang paningog ug walay samoy-samoy o karas sa duyog niini bisan pa man og matawag pa kini og raw recording.
"Tabang Ginoo/nganong nag-antos ko pag-ayo, wa koy kwarta ipalit/gigutom ko pila na ka beses/unya permi lang ko nga mag-antos/permi lang magsuwa ug ginamos/wa gyud ko katilaw ug inasal/kay lagi uyamot man."
Ang Tabang usa ka salamin sa kasinatian sa Assembly Language sa dihang giantos nila ang pag-ub-ub og pan nga tagpisohon, giparesan og iced water aron katambalan ang kakutoy sa tiyan gikan sa usa ka ensayo dihas studio sa Lahug.
"Perfecting the blending for our Tabang carrier track wasn't much of a challenge as we already did internalize its very theme because that is the kind of life we are living.
Mahutdan gyud og budget, maglakaw na lang pauli. Nya gutom kaayo, palit pan tag-piso nga gagmay kaayo nya paresan og ice(d) water.
Makapangutana gyud kas estado sa kalisud ug makahangad sa langit sa imong sitwasyon," pamahayag ni Emping.
Nakutlo ang pangalang Assembly Language sa usa ka subject nila sa Computer Engineering diin silang upat manag-classmate sa Cebu Institute of Technology.
Sa linggwahe sa computers, ang Assembly Language mas nainila sa tawag nga assembly, asm o symbolic machine code usa ka matang usab sa linggwahe nga gigamit sa computer machines.
Pagdayeg sa hinugpong nga musical geniuses sa Beatles, Simple Plan, Blink 182, Green Day, Incubus, NoFx, Westlife, Cueshé, ug System of the Down nakahatag og inspirasyon sa pundok nga iduso ang katumanan sa ilang EP album sunod bulan.
Gawas sa track nga nagpaninggit og Tabang, ang EP album manglangkob usab sa "Chinita" ug "Pugngan Pay Baha" nga gikan sa panulat ni Nahsh.
Ang Chinita may kalabutan sa tipo sa babayeng naibgan ni Emping - Inday nagtabisay akong laway/tungod sa matahom mong panagway/in luv gyud ko sa klasmeyt ko nga chinita/kay nindot siya'g pamorma/labi na kung mo-smile pa sa ako-a.
Ang "Pugngan Pay Baha" usa ka karaang panultion nga nagakahulugan og paglatas sa bisan unsa mang matang sa pagsulay ug pagbabag: "ingna ko mobalik ka karon/way bili ning kinabuhi/kung mahanaw ang tanan/pugson ko sa pagmata/unya kung mahanaw ka/di ko gyud igsapayan/nga mahanaw ning kalibutan/saksi kining panultihon/kapugngan pay baha."
"Kapobre dili kapugong sa among tumong ug tinguha nga mapalambo among talento. Kapugngan pa'y baha," panapos ni Nahsh isip pagtak-up sa maong pakighinabi.
Email sa pundok o ipuno sila sa talaan sa inyong friendster: [email protected]. Alang sa bookings, email [email protected] o tawagi si Emping sa 2644709.
Atangi ang pundok matag karon ug unya nga mopasundayag diha sa FMJ Bar sa Lahug. Ug usab, kauban sa lain pang mga Bisrock bands alang sa kapistahan sa Alang-Alang, Mandaue karong Hunyo 30. Ubos pa sa pakigsabot-sabot ang ilang pasundayag puhon atol sa CIT intramurals sa Agosto.
Gisaysay sa tulo nga gumikan sa ilang dakong gugma sa panugtog, nakadangop sila sa usa ka matang sa pangilaba sa kahitas-an aron katagaan og katumanan ang ilang kagustuhan nga makapagawas og usa ka Extended Play album.
Gani walay kukaulaw ang tulo nga mibatbat nga nakapanawag na usab sila og tabang sa kahitas-an sa dihang miabot ang mga panahon nga kinahanglan nilang magbaklay gikan sa usa ka jamming session dihas Lahug tungod kay nahutdan na sila og pamelete. Dalaygon lang ang ilang kasibot nga ipadayon ang tumong nga makumpleto ang ilang mga materyales.
Tataw kaayo sa ilang komposisyong "Tabang" ang tema sa kalisud nga nahimong gaan tungod sa ilang pagpangaliyupo sa Labaw'ng Makagagahum nga dili makabsan sa paglaum ug kusog. Kini mao ang mamahimo unyang carrier track sa ilang giplanong EP nga magbandilyo sa ulohang "Ambot!".
Ang Tabang naghukad og usa ka limpyong panagbad-ay-bad-ay sa ilang mga tingog nga matawag og mananoy bisan pa man og nalinya kini sa Bisaya rock nga matang sa musika. Hanglas paminawon ang ilang paningog ug walay samoy-samoy o karas sa duyog niini bisan pa man og matawag pa kini og raw recording.
"Tabang Ginoo/nganong nag-antos ko pag-ayo, wa koy kwarta ipalit/gigutom ko pila na ka beses/unya permi lang ko nga mag-antos/permi lang magsuwa ug ginamos/wa gyud ko katilaw ug inasal/kay lagi uyamot man."
Ang Tabang usa ka salamin sa kasinatian sa Assembly Language sa dihang giantos nila ang pag-ub-ub og pan nga tagpisohon, giparesan og iced water aron katambalan ang kakutoy sa tiyan gikan sa usa ka ensayo dihas studio sa Lahug.
"Perfecting the blending for our Tabang carrier track wasn't much of a challenge as we already did internalize its very theme because that is the kind of life we are living.
Mahutdan gyud og budget, maglakaw na lang pauli. Nya gutom kaayo, palit pan tag-piso nga gagmay kaayo nya paresan og ice(d) water.
Makapangutana gyud kas estado sa kalisud ug makahangad sa langit sa imong sitwasyon," pamahayag ni Emping.
Nakutlo ang pangalang Assembly Language sa usa ka subject nila sa Computer Engineering diin silang upat manag-classmate sa Cebu Institute of Technology.
Sa linggwahe sa computers, ang Assembly Language mas nainila sa tawag nga assembly, asm o symbolic machine code usa ka matang usab sa linggwahe nga gigamit sa computer machines.
Pagdayeg sa hinugpong nga musical geniuses sa Beatles, Simple Plan, Blink 182, Green Day, Incubus, NoFx, Westlife, Cueshé, ug System of the Down nakahatag og inspirasyon sa pundok nga iduso ang katumanan sa ilang EP album sunod bulan.
Gawas sa track nga nagpaninggit og Tabang, ang EP album manglangkob usab sa "Chinita" ug "Pugngan Pay Baha" nga gikan sa panulat ni Nahsh.
Ang Chinita may kalabutan sa tipo sa babayeng naibgan ni Emping - Inday nagtabisay akong laway/tungod sa matahom mong panagway/in luv gyud ko sa klasmeyt ko nga chinita/kay nindot siya'g pamorma/labi na kung mo-smile pa sa ako-a.
Ang "Pugngan Pay Baha" usa ka karaang panultion nga nagakahulugan og paglatas sa bisan unsa mang matang sa pagsulay ug pagbabag: "ingna ko mobalik ka karon/way bili ning kinabuhi/kung mahanaw ang tanan/pugson ko sa pagmata/unya kung mahanaw ka/di ko gyud igsapayan/nga mahanaw ning kalibutan/saksi kining panultihon/kapugngan pay baha."
"Kapobre dili kapugong sa among tumong ug tinguha nga mapalambo among talento. Kapugngan pa'y baha," panapos ni Nahsh isip pagtak-up sa maong pakighinabi.
Email sa pundok o ipuno sila sa talaan sa inyong friendster: [email protected]. Alang sa bookings, email [email protected] o tawagi si Emping sa 2644709.
Atangi ang pundok matag karon ug unya nga mopasundayag diha sa FMJ Bar sa Lahug. Ug usab, kauban sa lain pang mga Bisrock bands alang sa kapistahan sa Alang-Alang, Mandaue karong Hunyo 30. Ubos pa sa pakigsabot-sabot ang ilang pasundayag puhon atol sa CIT intramurals sa Agosto.
BrandSpace Articles
<
>
- Latest
- Trending
Trending
Latest
Trending
Latest
Recommended



















