Diana dili na mag two-piece bikini

Miulbo ang kaspa sa staff sa "Magpakailanman" human nagnilabad ang sexy star nga si Diana Zubiri diin kalit lang kini nga mibalibad inay first taping day na sa life story sa usa ka kanhi sexy star.

Nasayran sa PangMasa nga last minute na nga mibalibad si Diana ug miingon nga dili siya makatambong sa taping.

Ang rason ni Diana mao nga dili siya musul-ob og two-piece-bikini, hinungdan nga labihan na lamang ang kahibulong sa staff tungod kay three weeks ago pa nakahibaw ang sexy star nga dunay ingon niini nga eksena sa maong life story.

Nabuang og pinangita og hulip kang Diana ang staff sa "Magpakailanman" maayo na lamang kay nabunlot nila si Tanya Garcia nga midawat sa nahisgutan nga role.

Mike Tan nakadawat nas kamatuoran

Gipanghambog ni Mike Tan nga nadawat na niya ang kamatuoran nga dili sila alang sa usag usa sa iyang kanhi girlfriend nga si LJ Reyes.

Tsika sa PangMasa nga namahayag si Mike Tan nga mas komportable siya sa ilang sitwasyon karon , gawas pa dili usab angayan maguol ang ilang mga fans sanglit kuyog man sila sa pelikula sa Regal Films nga "Manay Po" ug apil usab sila sa "I Love New York" sa GMA-7.

"Okey lang naman sa akin na ma-link si LJ sa iba kasi tapos naman na kami. Nagkausap naman na kami at nagkasundo na we will be happy for each other. Kahit na sino ang ma-link sa amin, tatanggapin namin iyon just as long as happy kami," paniguro ni Mike.

Si Alfred Vargas ang nalambigit karon kang LJ ug matud pa ni Mike, okay ra si Alfred kay buotan kini nga tawo.

"Kilala ko naman si Alfred at okey siya para kay LJ," mipahiyom si Mike. "Huwag lang niyang sasaktan si LJ kasi masasaktan din ako."

Concert ni Jennylyn malampuson

In fairness successful ang birthday concert ni Jennylyn Mercado didto sa Music Museum tungod kay napuno gayud ang venue. Apan nagyawyaw ang mga himantayon tungod kay gikatahong mitan-aw sa concert ang bag-ong uyab ni Jen apan wala sila makaila sa ulitawo busa wala nila kini masukit-sukit.

Wala usab ipaila ni Jen ngadto kanila ang bag-o niyang uyab nga mao nay nag-angkon karon sa iyang kasingkasing hulip kang Mark Herras.

Hinoon miingon ang mga himantayon nga gipakpakan og maayo sa mga mitan-aw ang dirty dancing nila ni Jen ug Mark diin matud pa mao kini ang labing hugyaw nga bahin.