Flordeluna sunod nga project sa Kapamilya

Human sa kalampusan nga natagamtan sa "Gulong Ng Palad," dunay taho nga nahipos ang PangMasa nga sunod nga himoon sa ABS-CBN mao ang "Flordeluna" nga gibitoonan ni Janice de Belen kaniadto, Parents niya sila si Laurice Guillen ug ang mipanaw na nga Dindo Fernando ug ang midala sa papel nga Donya Agueda mao si Carmen Enriquez.

Wala pa matino sa tinubdan sa PangMasa kon kinsa na ang modala sa papel sa mga ginikanan basta ang nahibaw-an niini nga si Laurice ang modala sa papel ni Donya Agueda.

Suma pa nga mas nindot unta nga si Janice ang modala sa papel nga inahan ni Flordeluna apan dili mahimo sanglit tua man siya sa Kapuso network busa mamili pa sila sa mga talents sa Star Magic lakip na ang himoon nila nga bida.

Sarah milampos pagkanta sa Lupang Hinirang

Miabot na si Sarah Geronimo gikan sa malampuson nila nga series sa "Night of the Champion" concert sa Canada, apan niadtong Biyernes diretso na dayon kini sa trabaho.

Si Sarah maoy mikanta sa Philippine National Anthem sa paglusad sa Pacquiao/Larios Fight nga i-cover live sa ABS-CBN gikan sa Araneta Coliseum karong July. Suma pa nga maayo pagkanta ni Sarah apan ang singer sa Mexico miawop ang tingog sa dihang gikanta niini ang ilang anthem.

Jackie nagbirthday nga siya ra

Simple ra ang kasaulogan ni Starstruck Ultimate Female Survivor Jackie Rice sa iyang 16th birthday niadtong April 27 sanglit didto raman ang iyang mga ginikanan sa Olongapo ug wala motambong didto sa Manila.

"Pareho po kasing nasa Olongapo ang parents ko at hindi sila makaluwas para maki-celebrate with me kasi marami silang inaasikaso roon. Ako naman kasi, may taping naman noong birthday ko kaya halos hindi ko rin naisipan mag-celebrate. Pero okey lang kasi marami naman ang bumati sa akin. Even before noong birthday ko, may mga natatanggap na akong mga greetings kaya happy na ako."

Si Jackie nga nahinabi sa PangMasa miingon nga wala pa siya masayod unsay iyang paliton isip regalo sa iyang kaugalingon.

Hinuon bag-o pa siya nga nakapalit og sakyanan (Starex Van) worth P530,000, diin mihatag usab siya og komisyon worth P300,000 sa iyang manager nga maoy mipasulod niya sa Starstruck. "Malaki na rin po ang nagastos namin kaya mag-iipon muna ulit ako para matuloy ang (piggery) business namin. Gusto ko po kasi na matuloy iyon para 'yung ibang pinapangarap namin ay matuloy. Gusto ko po kasing bumili ng bahay. Never pa kasi kaming nagkaroon ng sariling bahay," pasabot ni Jackie.

Human sa Encantadia: Pag-ibig Hanggang Wakas dunay bag-o nga show si Jackie with Marky Cielo ang Fantastikids nga magsugod na karong May 6, isip hulip sa Wag Kukurap. Kauban usab sila ni Marky sa Love To Love: Season 10 ug sila usab ang bag-ong image models sa Crimson Shirts.