Bongga ang casting sa Captain Barbell

Dili madugay sugdan na ang pagsalida sa bag-ong super hero show sa GMA-7, ang Captain Barbell.

Si Richard Gutierrez ang maoy modala sa papel nga Captain Barbell ug Enteng.

Dagko ang casting sa super hero show nga gilangkuban nilang Richard Gomez, Ricky Davao, Jackielou Blanco, Paolo Bediones, Ian Veneracion, Ryan Eigenmann, Jeremy Marquez, Snooky Serna, JC de Vera, Camille Prats, Melissa Avelino, Iwa Moto ug Sunshine Dizon. Si Dominic Zapata ug Mike Tuviera ang director sa Captain Barbell.

Matud pa sa usa ka taga-Channel 7, ang Captain Barbell maoy pinakamahal nga serye sa maong network kay dili lang fix ang bayad sa rights niini kun dili per day payment pa kini. Ang Captain Barbell mao na siguro ang pinaka-unang local TV nga daily ang pagbayad sa rights.

Ang bugti sa mahal nga bayad sa rights gitugtan sa mga Ravelos tungod kay aduna'y gipangpuno nga kontrabida ug mga characters sa TV adaptation aron kini mas monindot unyang tan-awon ngadto sa televiewers.

* * *

Nakahinumdum pa ba kamo ni Rebecca Lusterio, ang nakadaog kaniadto isip Best Child Performer sa "Muro Ami" nga gibidahan ni Cesar Montano? Taga-Panglao, Bohol si Rebecca ug ulahi siyang nakit-an sa "Panaghoy Sa Suba" isip igso-on ni Cesar, ug na-nominate isip Best Supporting Actress sa maong pelikula.

Bag-ohay lang mi-gradwar si Rebecca ug karon plano niyang ipadayon ang iyang pag-artista. Gibutyag sa maong dalaga nga iyang paborito si Angel Locsin ug gipangandoy kini niya nga makauban sa usa ka telemagic, ang Majika.

* * *

Human nag-ober da bakod gikan sa ABS-CBN padulong ngadto sa siyete si Pauleen Luna, wala na kini gihunongan sa mga intriga. Take note, aduna'y mga talent sa GMA-7 nga nasuya ug midaot sa acting career ni Pauleen.

"Alam ninyo kasi ako I believe that whenever people put you down, inaangat ka talaga ng Diyos. At ako napakalakas ng control para hindi gumanti sa mga taong naninira. Sa mga nagpaparinig sa akin, totoong mayroon, pero I don't want to name names na lang, Secret na lang kung sinu-sino sila," matud pa ni Pauleen.