Diana mapasalamaton sa Encantadia

Aminado si Diana Zubiri nga dako gyud og natabang ang pantaserye nga Encantadia aron mausab ang pagtan-aw sa mga tawo karon kaniya diin girespeto na siya isip aktres.

Suma pa ni Diana nga before Encantadia ang tan-awon sa mga tawo kaniya labi na ang mga kadugo ni Adan mao nga usa gyud ka sexy star nga kanunay naghubo.

Apan karon nga nalakip siya sa Encantadia isip Danaya nga rayna sa kinaiyahan nausab na ang pagtagad sa mga tawo kaniya diin duna na kini kaluha nga respeto og pag-ila kaniya isip aktres.

Mapasalamaton si Diana sa Encantadia tungod nisamot na siya ka sikat karon gani ang mga bata nga iyang ikahibalag bisan asa motawag naman niya nga Danaya inay ang tinood niya nga ngalan ang gamiton.

Apan giklaro ni Diana nga andam gihapon siya nga modawat og sexy roles basta de kalidad kini sa ingon dili modaot ang iyang wholesome image nga iyang naagkon pinaagi sa Encantadi.



Loveless si Diana for a year na busa wala malikaya nga ilambigit siya kang Alfred Vargas apan matud ni Diana nga naglibog siya unsay pagtan-aw sa nahisgutan ngadto kaniya sanglit wala man kini mangulitawo.

Matud niya nga taud-taud na sila nga nagkaila ni Alfred sanglit ubay-ubay naman nga mga pelikula ang ilang nahimo ubos sa Seiko films apan sa Encantadia lang sila nagkasuod.

Si Alfred og Diana maoy mag-loveteam sa Encantadia diin ang mga nakakita nila sa telebisyon nakadayeg sa ilang ka- angayan nga tan-awon busa namahayag ang aktres nga paabuton na lang kon mopadayag na sa iyang gugma ang aktor.