Dili maghubo sa pelikula

Si Chyx Alcala ang gitawag nga liberated o woman of the 21st centuries sa tanang mga contestants sa Pinoy Big Brother kinsa napalayas na sa balay ni Kuya.

Gani dungan sa iyang pagbiya sa balay mao usay paggawas sa iyang hubo nga mga hulagway nga nagkatag sa internet diin giangkon mismo ni Chyx nga bunga kadto sa iyang kagahapon.

Apan atol sa ilang pagpakighimamat sa Cebu press didto sa Casino Filipino sa Waterfront Hotel Lahug niadtong Sabado, si Chyx namahayag nga dili una siya modawat og sexy roles kon ugaling dunay offer.

Miingon si Chyx nga bag-ohon niya ang iyang bad girl image sanglit naluoy siya sa iyang pamilya nga maoy naapektahan og maayo sa mga negatibo nga write-ups.

Gipalanog niya nga buot siya nga maila isip character actress tungod kay nagtuo siya nga duna siyay ikabuga sanglit napili man siya nga best actress samtang didto pa siya sulod sa balay.

Giangkon ni Chyx nga sukad pa niadtong bata pa siya pangandoy na niya nga mahimong artista busa karon nga nakabaton siya og kahigayonan dili gyud kini niya usikan.