Cesar ug Jacky Woo mag- himog pelikulang comedy

Usa ka comedy ang himoon nila ni Cesar Montano ug Jacky Woo alang sa umaabot nga Metro Manila Film Festival, apan wa pay tinong ulohan bisa'g may misugyot na sa ulohan nga "Ahoy Uhoy ala Hoy," kay sunod man kono ni sa "Panaghoy..." ug nauna sa "Dagohoy" nga mao untay isunod ni Cesar sa "Panaghoy sa Suba."

Ang "Dagohoy" dili gyod masugdan busa dili gyod ikaapil sa Metro Manila Film Festival, tungod kay matud pa ni Cesar, wa pa gyod kono siya mahuman sa iyang tinud-anay nga research sa mga butang nga may kalabotan sa kinabuhi ni Dagohoy ug matud niya, dili siya mohimo og usa ka sugilanon nga dili tin-aw ang pag-ugkat sa kinabuhi sa usa ka tawo.

Bisan kono og comedy ang ilang buhaton ni Jacky Woo, seguro kono nga maayo og labaw sa tanan, iapil niya gihapon si Rebecca Lusterio.