Kolette ug river, manghadlok sa “Dead Girl Walking”’

CEBU, Philippines — Sibling magpares ang KoVer o Kolette Madelo ug River Joseph sa paghatod og kilig ug kahadlok sa ilang bag-ong vertical series nga “Dead Girl Walking,” nga kompleto nang makita  sugod karong  Nobiyembre 6 sa iWant.

Kini ang unang vertical series sa duha human sila nilugwa kaniadto  sa primetime series nga “Blood Vs Duty.”

Sa istorya, modala  si  Kolette isip Luna, usa ka buotan nga estudyante nga nakasinati og pagpang-bully sa eskwelahan. Apan mausab ang iyang kinabuhi tungod sa usa ka wala damhang panghitabo.

Apil usab sa cast sila Allyson McBride, Reich Alim, Hannah Vito, Desiree del Valle ug Nikki Valdez.

Si Emerald Silvestre  ang direktor niini nga ubos  sa JRB Creative Production.

“Just In Case” single Trisha Denise, dili na mosugot nga himoong reserba

Paghatag og bili sa kaugalingon ang mensahe sa bag-ong kanta sa Kapamilya singer nga si Trisha Denise nga gipaluyohan  sa StarPop, nga nag-ulohan  og “Just In Case.”

Usa kini ka pop ug R&B song nga naghisgot sa kasinatian sa usa ka tawo nga kanunay lang mahimong ikaduhang kapilian o reserba hangtod nga iyang pilion ang pagrespeto sa kaugalingon kaysa magpabilin sa relasyong wala naghatag  og bili kaniya.

Si Trisha mismo ang nagsulat sa Taglish nga kanta, nga gi-produce  ni ABS-CBN Music creatives, content and operations head Jonathan Manalo, kauban si Roque “Rox” Santos, supervising producer ug StarPop label head.

Nailhan si Trisha isip usa sa mga singer-songwriter sa bag-ong henerasyon. Lakip sa iyang mga proyekto ang album nga “Piece of the Puzzle” niadtong 2021 ug ang unom ka tracks nga EP nga “Simula ng Wakas” niadtong 2023, nga naglakip sa kanta nga “Mas Mabuti Pa.”

Apil usab sa iyang mga nahimong kanta ang “Mahalaga,” nga gigamit sa pelikulang “Between Maybes,” ug “Bakit Naman Hindi?” gikan sa Pinoy adaptation sa “It's Okay to Not Be Okay.”

Madungog  na sa nagkalainlaing music streaming platforms ang bag-ong kanta ni Trisha nga “Just In Case.”

‘Taskforce Firewall’, extended hangtod 2027

Gipalugwayan  sa ere hangtod sa 2027 ang  GMA series nga Taskforce Firewall, ug gikumpirmar kini sa usa sa mga bitoon niini nga si Cheska Fausto.

Suma pa  nga sa sinugdan , giplanong molungtad lamang og tulo hangtod upat ka bulan ang maong serye busa wala damha sa aktres nga gi-extend kini og pipila ka buwan .

Mga bida sa maong  serye kay sila Miguel Tanfelix, Kylie Padilla, Kyline Alcantara ug Jak Roberto.