Hepe ng Pasay Police sibak sa command responsibility

MANILA, Philippines — Tinanggal sa puwesto ang hepe ng Pasay City Police na si PCol. Joselito De Sesto kaugnay sa kinakaharap na reklamo ng ilang tauhan na umaresto sa ilang menor-de-edad na pinakawalan sa Pasay City nitong nakalipas na buwan.

Kinumpirma naman ni National Capital Region Police Office (NCRPO) chief PBGen. Christopher Abrahano ang pagsibak kay De Sesto nitong Set­yembre upang bigyang-daan ang isinasagawang imbestigasyon ng NCRPO sa isyu command responsibility kaugnay sa inihaing reklamong Child Abuse at Robbery ng limang menor-de-edad.

Pansamantala namang itinalaga kapalit ni De Sesto si PCol. Robert Baesa, District Deputy Director for Operation ng Southern Police District (SPD) bilang Acting Chief of Police ng lungsod.