House panel boboto sa impeachment vs VP Sara sa 2nd week ng Mayo

MANILA, Philippines — Posibleng bumoto ang plenaryo ng Kamara sa impeachment complaints laban kay Vice President Sara Duterte sa ikalawang linggo ng Mayo, ayon kay Manila Third District Rep. Joel Chua nitong Huwebes.

“Ang tingin ko 2nd week ng Mayo, baka May 11, May 12, mga ganyang period, May 13, ano na yan, mapagbotohan na po sa plenaryo yan. Syempre depende sa rules”, ani Chua.

Ayon sa Konstitusyon, kinakailangan ng hindi bababa sa one-third o 106 sa 318 miyembro ng Kamara upang maipasa ang articles of impeachment sa Senado.

Bagama’t sinabi ng mambabatas na “malakas” ang impeachment case laban kay Duterte, binanggit din niya na maaaring makaapekto sa desisyon ng Senado ang nalalapit na pambansang halalan sa 2028, kung saan inanunsyo ni VP Duterte ang kanyang intensyong tumakbo bilang pangulo.

“May pulitika pa, considering that 2028 is just around the corner. So medyo mahirap i-predict ang Senate,” aniya pa.