VP Sara bibiyahe sa Hong Kong mula Nobyembre 6-8

MANILA, Philippines — Inanunsyo ng Office of the Vice President (OVP) na bibiyahe si Vice President Sara Duterte sa Hong Kong mula Nobyembre 6 hanggang 8 upang dumalo sa ilang aktibidad, kabilang ang isang pagtitipon ng Filipino community.

Ayon sa OVP, personal na pondo ng bise presidente ang gagamitin sa biyahe at walang anumang pondo, kagamitan o pasilidad ng gobyerno ang magagamit para rito.

“The Vice President shall cover the cost of her travel using personal funds. No government money, resources, or facilities shall be used in connection with her tra­vel,” pahayag pa ng OVP.

Sinabi rin ng OVP na may sapat na travel authority at permit si Duterte, kabilang ang pahintulot mula sa Quezon City Regional Trial Court at Office of the President.