Way ‘gangster police’ sa PRO-7
CEBU, Philippines — Gipasalig ni Police Regional Office-7 Director, Chief Supt. Jose Mario Espino, nga walay gangster police sa rehiyon.
Kini human gipahibawo ni Presidente Rodrigo Duterte nga panaktakon ang dul-an 90 ka polis diin tulo niini mga superintendents kinsa gikatahong mga gangsters subay sa gihugtang internal cleansing sa hanay sa kapolisan.
Apan wala gibutyag kun diin nga Police Regional Office ang mga panaktakon.
“We don’t have gangster cops but those previously listed allegedly involved in illegal transaction are still being monitored, but in PRO-7, I am 100 percent sure that we don’t have that personnel included dun sa list,” matud ni Espino.
Gangster ang gitawag ni Duterte ngadto sa mga polis nga kurakot ug kunsabo sa mga kriminal nga mga gang.
Matud pa nga kung aduna silay madiskubrehan nga malambigit nga polis, imbestigaron kini dayon sa labing daling panahon.
Giingong kinahanglang dili molapas sa 30 ka adlaw ang imbestigasyon aron dali ang paghatag og silot ngadto sa mapamatud-ang nakalapas sa balaud.
“PRO-7 will not tolerate this,” dugang ni Espino. (BANAT NEWS)
- Latest
