Road to Miss World: Miss Cook Islands midaug sa Miss World Challenge
CEBU, Philippines - Si Miss Cook Islands, Natalia Short, maoy midaug sa unang gipahigayong Miss World fast-track event, ang Miss World 2016 Sports Challenge event didto sa Washington DC, USA.
Siya ang unang mihatag og kasaysayan sa ilang teritoryo nga “automatic” nga masulod sa Top 20 semi-finalists.
Gilangkoban nila ni Miss Croatia maoy nalandig sa 2nd place, ug si Miss Malta sa 3rd place.
Semi-finalists gilangkoban nilang Miss Australia, Miss Cayman Islands, Miss England, Miss Gibraltar, Miss Scotland, Miss USA, Miss Australia, Miss Czech Republic, Miss Dominican Republic, Miss Latvia, Miss New Zealand, Miss Panama, Miss Singapore, Miss Aruba, Miss Bulgaria, Miss Denmark, Miss Honduras, Miss Hungary, Miss Montenegro, Miss Spain ug Miss Uruguay.
Matud pa sa Miss World Organization, ang mamahimomg Miss World 2016 sa Finals kinahanglan maoy makaangkon og dakong puntos nga gilangkoban sa 5 ka fast-track events: ang Miss World Talent, Miss World Sports Challenge, Miss World Top Model, Multimedia ug Miss World Beauty with a Purpose, lakip na ang Interview portion.
Gani sa miaging adlaw, napili na ang Top 10 finalists sa Miss World Talent Competition ug Top 24 sa Miss World Beauty with a Purpose ug usa sa nasulod niini ang pambato sa Pilipinas nga si Miss Philippines World 2016, Catriona Gray. Ang mananaug sa Miss World Talent sa Finals pinaagi sa public votes sa Mobstar may kahigayonan nga mo-perform sa iyang talent karong umaabot nga koronasyon. Ang mananaug pud sa Miss World Multimedia maoy makakuha sa dakong botos pinaagi sa Mobstar nga maoy partner sa Miss World Organization. Ang Miss World Top Model ipahigayon karong umaabot adlaw.
Ang koronasyon sa Miss World 2016 ipahigayon karong Domingo, Disyembre 18 (Lunes sa buntag diri sa Pilipinas, Disyembre 19) didto sa Washington DC, USA. (BANAT NEWS)
- Latest
