MP Brokers nakalihay sa alin Brokers

CEBU, Philippines - Mikulit sa ilang ikatulong daog ang MP Brokers aron maghupot sa solong liderato dihang ilang gipatapsingan ang title contender Alin Customs Brokerage, 69-68  niadtong Martes sa  BOC Friendship Cup Christmas League didto sa Tinago gym, ning dakbayan.

Bisan og kanunay silang naglabaw, nag-agi gihapon og kulba ang MP Brokers dihang nahanaw ang  daku nilang labaw.

Silang Dandan Enriquez ug Glenn Pendang maoy nangu sa 3-0 nga MP Brokers sa ilang 15 ug 12 puntos matag usa, samtang si Julius Tarona mao sab ang nangu sa Alin Brokers sa iyang 14 puntos.

Sa laing duwa, ang Alburo Customs Brokerage midaog sab batok sa Duke-SRBC ni Eliser ‘Duke’ Espina sa iskor nga 77-73.

Si Van Alburo maoy nangu sa iyang team human siya miposa og 14 puntos, samtang si Johnrey Jacalan maoy nangu sa SRBC sa iyang 15 puntos.

PUNTOS MATAG USA

Unang duwa:

MP Brokers (69) –      Enriquez 15, Pendang 12, Sumalinog 11, Jadraque 11, Elloren 6, Pangue 5, Gambe 3, Amistoso 2, Bensi 2, B. Medalle 2.

Alin Brokers (68) –    Tarona 14, Perolino 11, Sanguenza 8, Villomo 8, Cayanong 6, Alin 4. Barral 4, Singson 4, Estorgio 4, Fileteo 3, Lleve 2.

Ikaduhang duwa:

Alburo Brokers (77) –   Alburo 14, Marata 11, Labares 10, Regidor 8, Artezuela 8, Baguio 7, Bacor 6, Potencioso 3, Cabatingan 3, Melencion 2.

Duke-SRBC (73) –      Jacalan 15, Pamonag 13, B. Rabaya 13, Ebardo 12, Diapera 10, Espina 2, Alcantara 2, Lim 2, Ramas 2.