Mariel inambunan ng gatas ang anak ni Rufa Mae

Bantang pagre-resign sa MTRCB inaabangan din matapos magdaldal sa blog, Mocha biglang napipi! Kiray male model na produkto ng bikini contest sa gay bar ang ‘kalandian’

SEEN: Tahimik pa si Movie and Television Review and Classification Board (MTRCB) board member Mocha Uson tungkol sa mga bagong batikos laban sa kanya dahil tinawag niya na basura ang isang episode ng Ipaglaban Mo ng ABS-CBN. Ang ituloy ni Mocha ang banta na resignation bilang board member ng MTRCB ang hamon sa kanya.

SCENE: Magkasabay na nag-renew kahapon ng kontrata sa GMA Network, Inc. sina Kristoffer Martin at Glaiza de Castro.

SEEN: Amoy gimik ang pinaiingay na isyu ni Kiray Celis na constant date niya ang male model na produkto noon ng mga bikini contest sa mga gay bar. #desperada.

SCENE: Pinadalhan ni Mariel Rodriguez ng breastmilk si Rufa Mae Quinto dahil konti lamang ang gatas na lumalabas mula sa dibdib ng comedienne na kapapanganak lamang noong February 17.

SEEN: To the rescue rin kay Rufa Mae Quinto si Camille Villar, ang former co-host niya sa Wil Time Bigtime ng TV5 kaya may mga nagtatanong kung nanay na rin ang anak nina ex-Senator Manny Villar at Senator Cynthia Villar.

SCENE: Pumayag ang British boxer na si Amir Khan na magharap sila ni Senator Manny Pacquiao sa boxing arena sa May 20, 2017. Handang-handa ang 30-year-old na si Khan na makipagbakbakan sa 38-year-old Pinoy boxing champ.

SEEN: Ang Manchester Arena sa Manchester, England at Bolton’s Macron Stadium sa Bolton, England ang pinagpipilian na venue ng Pacquiao-Khan boxing fight sa May 2017.