^

Banat Opinyon

Dignified shelter sa mga bantay sa pasyente sa VSMMC

LABTIK - Alan Domingo - Banat

Usa ka dakong yugto sa tawhanong dignidad ang nabuksan sa dihang giinagurahan ang “Pasilongan”—ang libre ug desenteng dangpanan alang sa mga hospital watchers nga gipasiugdahan sa Cebu provincial government.

Sulod sa katuigan, nahimo nang pamilyar nga talan-awon sa gawas sa Vicente Sotto Memorial Medical Center (VSMMC) ang mga kabanay sa pasyente nga naghigda sa semento, nag-antos sa kainit sa adlaw ug ulan sa daplin sa karsada. Tungod sa estrikto nga lagda sa tambalanan nga usa ra ka watcher ang makasulod—usa ka pamaagi aron maminusan ang kahuot ug maseguro ang kahapsay ilawom sa pagdagsang sa mga pasyente dili lamang gikan sa Sugbo kondili lakip na sa ubang bahin sa Visayas ug Mindanao—napugos ang uban nga magpabilin sa gawas.

Apan ang gibuhat ni Gobernador Pamela Baricuatro nagpakita nga ang pangagamhanan mahimong mopakita og kaaghop o kalooy alang sa mga nagkinahanglan ug magmugna sa solusyon sa mga problema sa katilingban.

Bisan pa man kon ang VSMMC ilawom sa direktang pagdumala sa Department of Health (DOH) ug dili sa provincial government, ang Kapitolyo mibati sa tawhanong pagpanginahanglan ug miabaga sa responsibilidad. Kini ang tinud-anay nga liderato—walay piniliay sa hurisdiksyon basta ang kaayohan sa katawhan ang nakasalalay.

Ang duha ka smart houses nga adunay folding beds, habol, ceiling fans, charging stations, clean comfort rooms, ug dining area naghatag dili lang og pisikal nga kapuy-an, kondili lakip na ang pagpasig-uli sa dignidad sa matag Sugboanon ug lumad gikan sa kasikbit nga probinsya. Dili na angay mangatulog sa yuta o mag-antos sa katugnaw sa gabii ang usa ka inahan o amahan nga nag-ampo alang sa pag-ayo sa ilang minahal sa kinabuhi.

Hinaut nga kini nga proyekto dili lang kutob sa Kapitolyo, kondili mahimo unta kining usa ka sumbanan (blueprint) sa uban pang lokal nga panggamhanan sa tibuok nasud. Kay sa katapusan, ang tinuod nga kalambuan sa usa ka probinsya dili lamang makita sa mga dagkong imprastraktura alang sa negosyo, kondili sa unsa ka mahigugmaon ug matinahuron ang pag-atiman niini sa mga labing timawa ug anaa sa gutlo sa kalisod.

Sa kadugay na sa panahon nga ingon niini ang problema sa mga hospital watchers ug karon lang nahatagan og kasulbaran, mahimo man gyud sa kagamhanan ang tanan kay anaa gud kanila ang gahum nga mahimong posible ang imposible. Inay magsegi og bugwal sa mga karsada nga tuyoon og guba bisan dili pa libaongon, gamiton nalang ang pundo sa mga proyekto nga walay hinungdan sa proyekto nga maposlan sa mga kabus nga nagkinahanglan.

Kini ang angayan nga panaminan sa tanang LGU bisan kinsa tabangan bisan kadtong dili botante sa inyong area of responsibility mao kini ang tinod-anay nga serbisyo nga makita ug mabati gyud sa mga tawo dili lang kutob sa estorya.

SHELTER

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with