Myth busted: Mga paniniwalang matagal nang mali (Part 5)
• Ang Great Wall of China ay madaling makita mula sa Moon gamit ang naked eye.
Mula sa Moon, ang mga detalye sa ibabaw ng Earth ay sobrang liit. Hindi sapat ang mata ng tao para makilala ang Great Wall bilang isang malinaw na istraktura.
• Ang mga paniki ay bulag.
Mali. Nakakakita ang mga paniki. Bukod sa kanilang paningin, maraming species ang gumagamit ng echolocation upang mag-navigate at manghuli ng pagkain sa dilim.
• Ang ostrich ay ibinabaon ang ulo sa buhangin kapag natatakot.
Mali. Kapag yumuyuko ang ostrich at inilalapit ang ulo sa lupa, maaaring magmukha itong nagtatago, ngunit hindi nito literal na ibinabaon ang ulo sa buhangin para umiwas sa panganib.
• Kapag may lindol, pinakamainam na tumayo sa pintuan dahil iyon ang pinakaligtas na lugar.
Hindi ito universal rule. Sa modernong earthquake safety guidance, mas ligtas na yumuko, magkubli sa ilalim ng matibay na mesa o desk kung maaari, at kumapit kaysa pumunta sa doorway.
• Ang pag-inom ng alak ay nakapagpapainit ng katawan.
Maaari kang makaramdam na umiinit pagkatapos uminom ng alak dahil lumalawak ang blood vessels malapit sa balat. Ngunit hindi nito tunay na pinapataas ang core body temperature; maaari pa ngang mapabilis ang pagkawala ng init ng katawan.
• Ang “natural” ay nangangahulugang siguradong ligtas.
Hindi lahat ng natural substances ay ligtas. Maraming natural na halaman, fungi at chemicals ang maaaring makalason o makapinsala sa tao. Ang pagiging natural ay hindi awtomatikong katumbas ng pagiging safe. (Itutuloy)
- Latest
