Aircon bus, lumagapak sa palayan: 2 utas, 6 sugatan
MANILA, Philippines — Dead-on-the-spot ang dalawang pasahero habang anim ang nasugatan nang lumagapak ang sinasakyan nilang pampasaherong aircon bus sa palayan sa may Barangay Aglipay, Rizal, Nueva Ecija nitong Biyernes ng madaling-araw.
Kinilala ng pulisya ang dalawang nasawi na sina Alexander Salvador Villajuan, 43, ng Barangay East Poblacion, Pantabangan; at Genelyn Sansano Carbon, 39, dalaga ng Barangay Ganduz, Pantabangan.
Ang anim na nasugatan ay sina Mildred Grospe, 43, Alexis Villajuan,13, Alendra Villajuan, 19, Clayden Villajuan, 30, Relyn Pimentel, 40, at Carnillo Jacob, 51.
Sumuko naman ang drayber ng bus na si Norman Labrador, 41.
Sa ulat, bago naganap ang aksidente, alas-4:00 ng madaling araw ay galing ang Baliwag Transit bus sa terminal nito sa bayan ng Pantabangan, Nueva Ecija, at patungo sa Cubao, Quezon City at kalalagpas lang sa paahong tulay nang mawalan umano ng kontrol sa manibela ang drayber.
- Latest
