Dizon, napamura sa grabeng pagyanig ng Mauca Bridge

MANILA, Philippines — Hindi naiwasang mapamura ni Department of Public Works and Highways (DPWH) Secretary Vince Dizon dahil sa lakas nang naganap na pagyanig ng Mauca Bridge sa Camarines Sur, matapos na dumaan ang isang malaking truck na may kargang bakal papuntang Bicol doon, habang siya ay nagsasagawa ng inspeksiyon doon.

“P*tang ina, delikado ‘to,” ayon kay Dizon, na makikita sa isang video na napahawak pa sa tulay, nang biglang yumanig dahil sa pagdaan ng naturang malaking truck.

“I can even feel it (pagyanig).. I can feel it with them. This is dangerous,” aniya pa.

“It’s f..king scary,” dagdag pa ni Dizon, sa isa pang video na ipinaskil ng DPWH sa kanilang Facebook page, upang idokumento ang pag-i-inspeksiyon sa tulay.

Bunsod nito, kaagad na ipinag-utos ni Dizon na i-assess ang kondisyon ng tulay at kaagad na ipaayos ito dahil delikado ito sa mga motorista at mga residenteng dumadaan doon