Tax evasion vs anak ni Corona tuloy
MANILA, Philippines - Itinuloy ng Department of Justice ang kasong tax evasion laban sa anak ni dating Supreme Court Chief Justice Renato Corona na si Carla Castillo.
Sa 16-pahinang resolusyon na nilagdaan ni ProÂsecutor General Claro Arellano, may sapat na batayan o probable cause para litisin ang kasong tax evasion si Castillo.
Ayon sa DOJ, kabuuang halaga na P228,040 ang idineklarang kita ni Carla noong 2008 at 2009 ngunit noong 2010 ay nakabili siya ng ari-arian sa La Vista, Quezon City na nagkakahalaga ng P18-M.
Binalewala lamang ng panel ang paliwanag ng respondent dahil sa umano ay kawalan ng merito.
Kumbinsido ang DOJ na sinadya ni Carla na umiwas sa pagbabayad ng buwis noong 2010 dahil hindi naghain ng kanyang ITR para sa nabanggit na taon.
Kasong paglabag sa Section 254 at 255 ng National Internal Revenue Code ang ipinasasampa ng DOJ laban kay Carla. Ayon sa BIR, aabot sa P9.93-M ang tax liability ni Carla sa gobyerno.
- Latest
