PNoy umaming nakikipag-date kay Grace Lee
MANILA, Philippines - Umamin si Pangulong Aquino na lumalabas at nagkikita sila ng showbiz anchor ng GMA 7 na si Grace Lee.
Hindi itinanggi ng Pangulo ang pakikipag-date nito kay Grace na una niyang nakita noong nakaraang taon sa isang event sa Cebu City.
Walang gatol ang sagot ni Aquino na lumalabas sila ni Grace pero tumangging kumpirmahin kung ‘girlfriend’ na ba niya ang nasabing tv personality.
“Sa ilalim ng Article 3 ng Konstitusyon ay ang bill of rights. Siguro naman puwede ko gamitin ito para sa aking privacy,” wika pa ng Pangulo sa pagdalo nito sa ika-25 anibersaryo ng Philippine Information Agency (PIA) kahapon ng umaga.
Si Grace Lee, na Korean-Cebuana, ay ang nag-emcee ng nasabing event sa Cebu noong nakaraang taon para sa inauguration ng Korean Electric Power Plant.
Naunang umamin si Ms. Lee sa kanyang twitter na lumalabas sila ng Pangulo at textmate daw niya si PNoy.
Sumunod na nagkita ang Pangulo at si Lee sa Malacañang noong nakaraang Disyembre kung saan ay mayroong one-on-one interview ang GMA 7 anchorwoman kay PNoy sa loob ng Palasyo.
Kamakailan ay nakita si Pangulong Aquino at Grace Lee na nagkakape sa isang fastfood chain sa Ortigas center ng madaling araw matapos ang dinner nito para kay Thailand Prime Minister Yingluck Shinawatra.
- Latest
- Trending
