10 sentimo singil sa text ilalaban ni Nograles

MANILA, Philippines - Susuportahan ni House Speaker Prospero Nogra­les ang hakbangin upang mapababa sa 10 sentimo ang bayad sa text message at hindi Ito Ipapasa sa mga consumers nito.

Aniya, kahit na ang consumers ang pinagba­bayad ng 10 sentimo ay lumala­bas pa rin na sobra ang singil ng mga telecommunication companies ng P65 sentimo kada text.

Ikinatuwiran ni Nogra­les na bagama’t maliit tingnan ang halaga ng P10 sen­timo, malaki pa rin ang ha­laga nito kung pagsasama-samahin at ilalaan sa health care at educational program ng gobyerno.

Sinabi pa ng kongre­sista na ang tunay na ha­laga lang ng text message ay P25 sentimo ngunit pinagbabayad ng telcos ng P1.00 kada text.

Aniya, dapat na mag­be­nepisyo ang publiko sa mga telcos bilang texting capital of the world at hindi lang ang mga ito ang naki­kinabang sa kanilang consumers .

Idinagdag pa ni No­gra­­les na lahat ng antas ng Pinoy sa bansa ay guma­ga­mit ng cellphone at nag-uubos ng load kung kaya’t ang mga telcos ay kumikita ng P2B araw-araw sa text messages pa lang. (Butch Quejada)