Reporma sa PNP sinimulan ni Verzosa

Halos tatlong buwan pa lang siya sa kanyang puwesto bilang hepe ng Philippine National Police, unti-unti nang naki­kita ni Police Director Ge­neral Jesus A. Ver­zosa ang resulta ng kanyang malawakang programa tungo sa tu­nay at makabuluhang pagbabago sa hanay ng kapulisan.

Sa pagnanais na pagtibayin ang respeto ng taong-bayan sa ba­wat kinatawan ng PNP at palakasin ang res­peto sa tsapa na kani­lang dinadala sa anu­mang oras, pinasimu­lan ni Verzosa ang malawa­kang hamon sa mga ta­uhan ng PNP na mag­pursigeng mamuno upang mas mabilis na makamit ang kanyang adhikaing makabulu­hang pagbabago para sa kapulisan.

Ang tunay at maka­buluhang pagbabago na isinusulong ni Ver­zosa ay pinasimulan niya sa pamamagitan ng siyam na mga pro­grama na tugma lahat sa kanyang hamon sa kapulisan.

Kabilang dito ang patuloy na pagbabago mula sa pambansang liderato hanggang lo­kal na antas ng PNP; ang pagbibigay-daan sa patuloy na pagsibol ng mga makabagong mga pinuno sa hanay ng ka­pulisan; promosyon sa simbolo ng tsapa ng PNP; pagtugon sa mga serbisyong kinakaila­ngan ng mga pulis at ng kanilang mga pamilya; mahusay na panga­nga­laga sa mga tauhan ng kapulisan; pagpapala­kas ng serbisyo ng ka­pulisan sa larangan ng pagbabantay at im­bestigasyon; pagbibi­gay-daan sa partisipas­yon ng publiko sa tra­baho ng kapulisan; pag­bibigay-galang sa kara­patang pantao; at ang pakikipag-tulungan sa mga grupong may ma­bu­buting hangarin. (Butch Quejada)