LLII pinapurihan ng business community

Umani ng papuri mula sa business community ang Lifestyle & Leisure International Inc. (LLII) sa pangunguna ng batambata ngunit maituturing nang haligi ng real estate industry na si Paul Edmund Lizondra.

Si Lizondra, president at chief executive officer ng LLII, ayon sa business community ay isang "dynamic innovator" at "conceptualizer" sa larangan ng real estate.

Tiniyak ng mga negosyante na ang LLII ang magbibigay muli ng buhay at sigla sa lokal na turismo at real estate industry na dumaranas ng malaking dagok dulot ng krisis sa ekonomiya sa mahusay na pamumuno Lizandro.

Dahil dito kaya mariing kinondena ng LLII ang ginagawang paninira rito ng ilang grupo para pabagsakin ang mabilis na lumalagong kumpanya.

Si Lizondra ay siya ring pangulo ng Lifestyle View and Property Administration Inc., isang marketing project management company na may hawak ng condominium units ng Lancaster Suites ng Pacific Concord Properties Inc. Siya rin ang senior vice president ng St. John’s Memorial Park Inc.