AFP, PNP, magtutulong sa pagbabaklas ng Posters

Pagtutulungan ng Philippine National Police at ng Armed Forces of the Philippines ang pagbabaklas ng mga poster ng mga kandidato sa lokal at pambansang halalan na nakadikit sa mga lugar na hindi saklaw ng common poster areas na idineklara ng Commission on Elections.

Sinabi ni AFP Civil Relations Service Commanding General Brig. Gen. Jaime Canatoy na tutulong ang militar sa pulisya sa pagtatanggal ng mga poster ng mga kandidato sa mga pader lalo na sa kahabaan ng Epifanio delos Santos Avenue at ibang bahagi ng Metro Manila na nasa labas ng common poster area.

Idiniin ni Canatoy na nais lang nilang makatulong sa Comelec para mabawasan ang mga problema nito dahil sa katigasan ng ulo ng mga supporter ng ilang kandidato na nagdidikit ng nasabing mga poster. (Ulat ni Joy Cantos)