Ideal age magpakasal

CEBU, Philippines — Wala'y prenong gibutyag sa La Luna Sanggre star Kathryn Bernardo nga target niya nga  magpaksal sa edad nga 25 anyos. Iyaha kini gibutyag atol sa gipahigayong Instagram live session kauban ang stylist nga si John Valle niadtong Sabado. Tungod niini, gibayaw sa kakilig ang mga KathNiel fans. Hagbay ra nga gidungog nga ang  giingong relasyon nila ni Kathryn ug Daniel Padilla.

Anne nakahilak sa surprisa

Nakahilak sa kalipay ang Kapamliya actress nga si Anne Curtis atol sa surprise bridal shower nga giandam kaniya sa It's Showtime! family sa miaging adlaw. Nipaabot sa iyahang pasalamat ang 32-year-old actress/TV host ngadto sa iyahang mga kaubang hosts kinsa giisip niyang dakong parte sa iyahang kinabuhi. Midalit sab og sexy dance number ang grupong Hashtag ngadto sa aktres nga gikatakdang ikasal ngadto ni Erwann Heussaff karong buwana.

Gihangop sa viewers

Wala damha sa aktres nga si Judy Ann Santos ang grabeng suporta nga iyahang nadawat atol sa pilot episode sa kaugalingong online cooking show niini nga nag-ulohan og Judy Ann's Kitchen  nga nakabaton na og  minilyon nga views.

Miangkon na gyud

Miangkon ang Kapuso star Kris Bernal nga usa ka 33 anyos nga negosyante ang nagsilbing inspirasyon niya karon kinsa meat supplier sa iyahang burger business. Wala hinuon gitataw sa aktres nga uyab na sila apan gikumpirma niya nga gusto nila ang usag-usa. Maguwang niya og lima ka tuig ng maong negosyante.

Sunshine migahot

Gitubag sa Wildflower star Sunshine Cruz ang usa ka security guard sa usa ka hotel human siya gitawag nga "suplada" ug "loka" niini. "Alam mo bang whatever you say against your guests ay magiging masama at kasiraan din ng Canyon Cove (name sa hotel)? If you did not ask na magpa letrato na sigurado pong akong pagbibigyan wag naman po kayong ganyan. Hindi ako suplada lalong hindi ako loka pero kilala akong pinaglalaban ang tama at fair," paghot pa sa aktres.

Sylvia ug Enchong naghalok

Miangkon silang Sylvia Sanchez ug Enchong Dee nga adunay nahitabong lips to lips nilang duha sa pelikulang Nay. Matod pa nga gikinahanglan kaayo ang maong eksena sa maong horror movie. “Ang sarap!”,  komedya pa ni Enchong sa dihang gipangutana kini kung kumusta ang ilahang kissing scene.