Pakk: Walay ayo ang movie ni Anne!

Pakpak:    Makalingaw ang pelikula sa Star Cinema nga The Third Party nga gibidahan nila ni Angel Locsin, Sam Milby ug Zanjoe Marudo.  Gihatagan og hustisya nila ni Zanjoe ug Sam ang ilang karakter isip gay lovers.  Maayo usab ang pagkadala ni Angel ug natural kaayo ang iyang pag-arte isip babaye nga duna’y ex-boyfriend nga kalit lang niladlad sa iyang tinud-anay nga pagkatawo.

Palpak: Lig-on ang mga bida sa Bakit Lahat ng Gwapo May Boyfriend?  nga gilang-kuban nila ni Anne Curtis, Paolo Ballesteros ug Dennis Trillo. Dili makuwestiyon ang hugyaw nila nga abilidad sa pag-arte. Apan puwerting mabawa sa dagan sa istorya sa maong pelikula. Wala’y kilig factor sila si Dennis ug Anne.  Puwerting ugaha sa dagan sa istorya niini: Usa ka wedding coordinator nga na-develop sa iyang kliyente,  nga mubo ra man unta nga panahon  nga sila nagkauban.

Pakpak:  Bisan sa kauga sa istorya sa  Bakit Lahat ng Gwapo May Boyfriend?, gipakatawa ra gihapon niini ang viewers sa maayong performance ni Paolo

Palpak:   Napul-an na ang mga tawo sa estilo nila ni Jessy Mendiola ug Luis Manzano sa pagsige og paugat sa tinud-anay nila nga istado. Igo ra milenggua ang duha nga malipayon sila sa  usa’g-usa.  Karaan na kaayo ang maong estilo busa igo na lang silang kataw-an sa ilang mga kritiko. (BANAT NEWS)